1980 جىلعى مەسكەۋدە ٶتكەن جازعى وليمپيادا ويىندارىنىڭ كٷمٸس جٷلدەگەرٸ, قازاقستاندىق بوكسشى, ەكس-دەپۋتات سەرٸك قوناقباەۆ ٶز اتىنا استانا حالىقارالىق قارجى ورتالىعى الاڭىندا حولدينگتٸك كومپانييانى تٸركەدٸ, دەپ حابارلايدى Dalanews.kz.
بۇل تۋرالى اقپاراتپەن Finmentor Telegram ارناسىنىڭ اۆتورى ارمان باتاەۆ بٶلٸستٸ.
"Forbes Kazakhstan تٸزٸمٸنە جاڭادان ەنگەن سەرٸك قوناقباەۆ احقو-دا تٸركەلٸپ, KazCore Energy Ltd. كومپانيياسىنىڭ قۇرىلتايشىسى اتاندى. ونىڭ قۇرىلتايشىلارى اراسىندا سەرٸك قوناقباەۆقا تيەسٸلٸ Triple A Holding Ltd. كومپانيياسىنىڭ دا اتى اتالادى. ەكٸ كومپانييانىڭ دا نەگٸزگٸ قىزمەت سالاسى – حولدينگتٸك قىزمەت. سونداي-اق ەكەۋٸن دە سەرٸك قوناقباەۆتىڭ ۇلى, كەسٸپكەر امانات قوناقباەۆ باسقارادى. Forbes مەلٸمەتتەرٸ بويىنشا, سەرٸك قوناقباەۆ "K-Global Invest" جشس ارقىلى "SSM Oil" جشس-نىڭ 60 % ٷلەسٸنە يە ەرٸ اكتسيونەرٸ. بۇل كومپانييا قىزىلوردا وبلىسىندا كٶمٸرسۋتەكتٸ شيكٸزات مينەرالدارىن بارلاۋ جەنە ٶندٸرۋمەن اينالىسادى. بۇل باعىتتاعى جوبالار قولدانىسقا ەنگٸزۋ كەزەڭٸندە بولىپ تابىلادى. سونداي-اق قوناقباەۆتىڭ ماڭعىستاۋ وبلىسىنداعى شالۆا كەن ورنىندا بارلاۋ جەنە ٶندٸرٸس جۇمىستارىن جٷرگٸزۋ بويىنشا 2023 جىلى كەلٸسٸمشارتقا قول جەتكٸزگەن "ARK Petroleum" جشس-دا دا ٷلەسٸ بار", دەلٸنگەن جازبادا.
بۇعان دەيٸن كەسٸپكەر تيمۋر تۋرلوۆ گرۋزييانىڭ بانك نارىعىنا بەت بۇرىپ, وسى ەلدە فريدوم بانك قازاقستاننىڭ "ەنشٸلەسٸن" اشپاق نيەتتە ەكەنٸن جازعانبىز.
