بايقاۋعا 6 وتباسى قاتىستى، اتاپ قايتقاندا باۋىرجانوۆتار، عالىمبەكوۆتار، جالەلوۆتار، كليۆەنكو،ابىشيەۆتار جانە تەرگەمەسوۆتار وتباسىلارى. ولار ءوز ونەرلەرىن ورتاعا سالدى.
بايقاۋ ساحنالىق جانە سىرتتاي سايىستارمەن قامتىلعان. سىرتقى سايىستار بويىنشا – «تاتۋ وتباسى» سپورتتتىق سايىسى وتكىزىلدى. ماقساتى وتباسىنىڭ سالاۋاتتى ءومىر سالتىن ۇستانۋىن انىقتاۋ بولدى. وتباسىنىڭ كوماندالىق رۋحىن كوتەرۋ ماقساتى دا سايىستىڭ باستى شارتى.
ەر ازاماتتارىنىڭ اراسىندا جىگىتتەردىڭ ەرىك-جىگەرىن انىقتاۋ ءۇشىن قول كۇرەسى وتكىزىلگەن بولاتىن. كورەرمەندەر بەينەبايان ارقىلى لەد ەكراننان قول كۇرەسىن ىقىلاسپەن تاماشالادى.
«شۋاقتى شاڭىراق» جاس وتباسىلار بايقاۋى ساحنالىق سايىستار: تانىستىرۋ، ونەر كورسەتۋ، وتباسى قۇندىلىقتارىنا ارنالعان سۇراق –جاۋاپ، وتباسىنىڭ نازىك جاندارىنا ارنالعان كۋلينارلىق سايىستارمەن قامتىلدى. وتباسىلار ونەرلەرىن ورتاعا سالىپ كورەرمەندەر تاراپىنان سىي، قۇرمەتتەرىن الدى.
«شۋاقتى شاڭىراق» جاس وتباسىلار بايقاۋىنىڭ قورىتىندىسى بويىنشا سەمەي قالاسىنىڭ مۇحتار اۋەزوۆ اتىنداعى پەداگوگيكالىق كوللەدجىنىڭ اتىنان شىققان عالىمبەكوۆتار وتباسى «شۋاقتى شاڭىراق - 2019» باس جۇلدەسىن يەلەنىپ، جەڭىمپاز اتاندى.
ولار سەمەي قالاسى اتىنان وبلىستىق سايىسقا قاتىسۋعا جولداما الدى. جايدارمان كوڭىلدى تاپقىرلار كلۋبى اتىنان شىققان جالەلوۆتار وتباسى «ونەرلى وتباسى» اتالىمىن جەڭىپ الدى. قازاق يننوۆاسيالىق گۋمانيتارلىق-زاڭ ۋنيۆەرسيتەتىنەن كەلگەن باۋىرجانوۆتار وتباسى «ونەگەلى وتباسى» اتالىمىن يەلەندى. باۋىرجانوۆتار وتباسىنىڭ اناسى ايدانا باۋىرجانوۆا «ۇلگىلى كەلىن - 2019» اتالىمىن جەڭىپ الدى. بايقاۋ قورىتىندىسى بويىنشا بارلىق قاتىسۋشىلارعا باعالى سىيلىقتار، ديپلومدار، ارنايى دەمەۋشىلەردىڭ اتىنان سەرتيفيكاتتار تابىستالدى.
