Semeide «Shýaqty shańyraq» jas otbasylar baiqaýy ótti
Baiqaýǵa 6 otbasy qatysty, atap qaitqanda Baýyrjanovtar, Ǵalymbekovtar, Jalelovtar, Klivenko,Ábishevtar jáne Tergemesovtar otbasylary. Olar óz ónerlerin ortaǵa saldy.
Baiqaý sahnalyq jáne syrttai saiystarmen qamtylǵan. Syrtqy saiystar boiynsha – «Tatý otbasy» sportttyq saiysy ótkizildi. Maqsaty otbasynyń salaýatty ómir saltyn ustanýyn anyqtaý boldy. Otbasynyń komandalyq rýhyn kóterý maqsaty da saiystyń basty sharty.
Er azamattarynyń arasynda jigitterdiń erik-jigerin anyqtaý úshin qol kúresi ótkizilgen bolatyn. Kórermender beinebaian arqyly led ekrannan qol kúresin yqylaspen tamashalady.
«Shýaqty shańyraq» jas otbasylar baiqaýy sahnalyq saiystar: tanystyrý, óner kórsetý, otbasy qundylyqtaryna arnalǵan suraq –jaýap, otbasynyń názik jandaryna arnalǵan kýlinarlyq saiystarmen qamtyldy. Otbasylar ónerlerin ortaǵa salyp kórermender tarapynan syi, qurmetterin aldy.
«Shýaqty shańyraq» jas otbasylar baiqaýynyń qorytyndysy boiynsha Semei qalasynyń Muhtar Áýezov atyndaǵy pedagogikalyq kolledjiniń atynan shyqqan Ǵalymbekovtar otbasy «Shýaqty shańyraq - 2019» bas júldesin ielenip, jeńimpaz atandy.
Olar Semei qalasy atynan oblystyq saiysqa qatysýǵa joldama aldy. Jaidarman kóńildi tapqyrlar klýby atynan shyqqan Jalelovtar otbasy «Ónerli otbasy» atalymyn jeńip aldy. Qazaq innovatsiialyq gýmanitarlyq-zań ýniversitetinen kelgen Baýyrjanovtar otbasy «Ónegeli otbasy» atalymyn ielendi. Baýyrjanovtar otbasynyń anasy Aidana Baýyrjanova «Úlgili kelin - 2019» atalymyn jeńip aldy. Baiqaý qorytyndysy boiynsha barlyq qatysýshylarǵa baǵaly syilyqtar, diplomdar, arnaiy demeýshilerdiń atynan sertifikattar tabystaldy.
