پاندەميا باستالعاننان بەرى ايماقتا كوروناۆيرۋس اۋرۋىنىڭ 24،5 مىڭ جاعدايى تىركەلدى. ونىڭ ىشىندە 17 مىڭى كلينيكالىق كورىنىستەرمەن، ال 7،5 مىڭى ۆيرۋستىڭ اسيمپتوماتيكالىق تاسىمالداۋشىلارى.
ەرمەك وماربەكوۆتىڭ ايتۋىنشا، بۇگىنگى تاڭدا 3 544 ينفەكسيالىق توسەك ىسكە قوسىلعان. ونىڭ ىشىندە 319-رەانيماسيالىق جانە 490-كارانتيندىك. ستاسيونارلاردا 350 ناۋقاس ەم الۋدا. ۇشەۋىنىڭ جاعدايى وتە اۋىر. ءقازىر ونداعى پاسيەنتتەردىڭ 28ء-ىنىڭ جاعدايى اۋىر بولسا، 319-ى ورتاشا اۋىر جاعدايدا. بۇل رەتتە ءتورت پاسيەنت ءوجج اپپاراتتارىنا جانە 23-وكپەنى ءينۆازيۆتى ەمەس جەلدەتۋگە قوسىلعان.
باسپا ءسوز كونفەرەنسياسى بارىسىندا ەرمەك سەمباي ۇلى ىندەتتەن ساۋىققاندار مەن كوز جۇمعانداردىڭ ستاتيستيكاسىن ايتتى. ينفەكسيالىق ستاسيوناردان 12 220 پاسيەنت جازىلىپ شىقسا، 7 121 ادام امبۋلاتوريالىق ەم الدى.
جىل باسىنان بەرى ايماقتا كوروناۆيرۋستان 25 ادام قايتىس بولدى. ونىڭ 22 فاكتىسى سەمەي قالاسىنداعى جۇقپالى اۋرۋلار اۋرۋحانالارىنىڭ بىرىندە تىركەلدى. سوندىقتان وبلىس اكىمى دانيال احمەتوۆتىڭ تاپسىرماسى بويىنشا، 23-25 ءساۋىر ارالىعىندا ناۋقاستاردىڭ كوز جۇمۋىنا بايلانىستى ارنايى جۇمىس توبى سەمەيگە اتتانعان بولاتىن. ناتيجەسىندە جۇقپالى اۋرۋلار اۋرۋحاناسىنىڭ جۇمىسىنداعى كەمشىلىكتەر انىقتالدى. بەلگىلى بولعانداي اۋرۋ تاريحىندا ق ر دسم سovid-19 ەمدەۋدىڭ قولدانىستاعى حاتتاماسىنىڭ تولىق ساقتالماۋى بايقالادى. بۇدان باسقا، قاتار جۇرەتىن اۋرۋلارى بار ادامداردىڭ دەنساۋلىق پاسپورتتارىنداعى دەرەكتەردى ەسكەرە وتىرىپ، ەمدەۋ مەن دياگنوزدار تۇزەتىلمەگەن.
گورموندىق تەراپيانى تاعايىنداۋ كەزىندە اۋرۋدىڭ باستالۋى، زەرتحانالىق زەرتتەۋلەر مەن ەكگ ناتيجەلەرى ەسكەرىلمەدى. اۋرۋحاناعا جاتقىزۋ كەزىندە العاشقى تاۋلىكتە ناۋقاستاردى كت وتكىزبەگەن. سونىمەن قاتار، دەرەكتەر مۇقيات تەكسەرىلمەي، ەمدەۋ كومپيۋتەرلىك زەرتتەۋلەردىڭ ناتيجەلەرىن ەسكەرۋسىز تاعايىندالعان. انتيبيوتيكتەردىڭ، ديۋرەتيكتەردىڭ بىرنەشە توبىن نەگىزسىز تاعايىنداۋ انىقتالدى.
سونىمەن قاتار، سەمەيدە كت-اپپاراتتارى ىستەن شىقتى. 20 ناۋرىزدان باستاپ التى قۇرىلعىنىڭ تەك 2 اپپاراتى جۇمىس ىستەيدى.
ايماق باسشىسىنىڭ سوزىنە سۇيەنسەك، جاعدايدىڭ شيەلەنىسكەن كەزەڭىندە كت جۇمىس ىستەپ تۇرعان اپپاراتتاردىڭ تاۋلىك بويى جۇمىسى ۇيىمداستىرىلماعان. مەديسينالىق ساپا جانە باقىلاۋ دەپارتامەنتى تاراپىنان دا ەشقانداي رەاكسيا بولعان جوق. سوندىقتان سەمەي قالاسى اكىمىنىڭ ورىنباسارىنا، دەنساۋلىق ساقتاۋ باسقارماسى باسشىسىنىڭ سەمەي بويىنشا ورىنباسارىنا، سونداي-اق، جۇقپالى اۋرۋلار اۋرۋحاناسىنىڭ باس دارىگەرىنە قاتاڭ سوگىس جاريالانادى.
بۇگىننەن باستاپ سەمەيگە وبلىس اكىمى اپپاراتى باسشىسىنىڭ ورىنباسارى ءىلياس مۇحامەدجان باستاعان جۇمىس توبى بارىپ، قالا جاسىل ايماققا شىققانعا دەيىن سول جەردە جۇمىس ىستەيدى. شقو اكىمى جۇمىس توبىنا ءاربىر ءولىم جاعدايى بويىنشا تاعى دا ەگجەي-تەگجەيلى تەرگەۋ جۇرگىزۋدى، ىستەن شىققان كت-نى پايدالانۋعا بەرۋ بويىنشا شۇعىل شارالار قابىلداۋدى تاپسىردى.
سونىمەن قاتار، ەرمەك وماربەكوۆ ەرتەڭنەن باستاپ تاۋلىك بويى ءۇش كت-اپپارات جۇمىس ىستەيتىنىن حابارلادى. 15 مامىرعا دەيىن ىستەن شىققان اپپاراتتارعا جوندەۋ جۇرگىزۋ جوسپارلانۋدا.
– بۇگىنگى كۇنى وبلىستاعى، اتاپ ايتقاندا سەمەيدەگى ەپيدەميولوگيالىق جاعداي بىزگە قازىرگى كەزدەگى ناۋقاستار لەگىن ەڭسەرۋگە مۇمكىندىك بەرەدى. كت ءۇش اپپاراتىندا covid-19 انىقتاۋ بويىنشا تاۋلىك بويى جۇمىس ىستەيدى. 15 مامىرعا قاراي بارلىق التى كت - اپپارات شتاتتىق رەجيمدە جۇمىس ىستەيتىن بولادى، – دەدى ەرمەك وماربەكوۆ.
