Semeide koronovirýstyń aldyn alý talaptary saqtalmaǵan
Pandemiia bastalǵannan beri aimaqta koronavirýs aýrýynyń 24,5 myń jaǵdaiy tirkeldi. Onyń ishinde 17 myńy klinikalyq kórinistermen, al 7,5 myńy virýstyń asimptomatikalyq tasymaldaýshylary.
Ermek Omarbekovtyń aitýynsha, búgingi tańda 3 544 infektsiialyq tósek iske qosylǵan. Onyń ishinde 319-reanimatsiialyq jáne 490-karantindik. Statsionarlarda 350 naýqas em alýda. Úsheýiniń jaǵdaiy óte aýyr. Qazir ondaǵy patsientterdiń 28-iniń jaǵdaiy aýyr bolsa, 319-y ortasha aýyr jaǵdaida. Bul rette tórt patsient ÓJJ apparattaryna jáne 23-ókpeni invazivti emes jeldetýge qosylǵan.
Baspasóz konferentsiiasy barysynda Ermek Sembaiuly indetten saýyqqandar men kóz jumǵandardyń statistikasyn aitty. Infektsiialyq statsionardan 12 220 patsient jazylyp shyqsa, 7 121 adam ambýlatoriialyq em aldy.
Jyl basynan beri aimaqta koronavirýstan 25 adam qaitys boldy. Onyń 22 faktisi Semei qalasyndaǵy juqpaly aýrýlar aýrýhanalarynyń birinde tirkeldi. Sondyqtan oblys ákimi Danial Ahmetovtyń tapsyrmasy boiynsha, 23-25 sáýir aralyǵynda naýqastardyń kóz jumýyna bailanysty arnaiy jumys toby Semeige attanǵan bolatyn. Nátijesinde juqpaly aýrýlar aýrýhanasynyń jumysyndaǵy kemshilikter anyqtaldy. Belgili bolǵandai aýrý tarihynda QR DSM Sovid-19 emdeýdiń qoldanystaǵy hattamasynyń tolyq saqtalmaýy baiqalady. Budan basqa, qatar júretin aýrýlary bar adamdardyń densaýlyq pasporttaryndaǵy derekterdi eskere otyryp, emdeý men diagnozdar túzetilmegen.
Gormondyq terapiiany taǵaiyndaý kezinde aýrýdyń bastalýy, zerthanalyq zertteýler men EKG nátijeleri eskerilmedi. Aýrýhanaǵa jatqyzý kezinde alǵashqy táýlikte naýqastardy KT ótkizbegen. Sonymen qatar, derekter muqiiat tekserilmei, emdeý kompiýterlik zertteýlerdiń nátijelerin eskerýsiz taǵaiyndalǵan. Antibiotikterdiń, diýretikterdiń birneshe tobyn negizsiz taǵaiyndaý anyqtaldy.
Sonymen qatar, Semeide KT-apparattary isten shyqty. 20 naýryzdan bastap alty qurylǵynyń tek 2 apparaty jumys isteidi.
Aimaq basshysynyń sózine súiensek, jaǵdaidyń shielenisken kezeńinde KT jumys istep turǵan apparattardyń táýlik boiy jumysy uiymdastyrylmaǵan. Meditsinalyq sapa jáne baqylaý departamenti tarapynan da eshqandai reaktsiia bolǵan joq. Sondyqtan Semei qalasy ákiminiń orynbasaryna, Densaýlyq saqtaý basqarmasy basshysynyń Semei boiynsha orynbasaryna, sondai-aq, juqpaly aýrýlar aýrýhanasynyń bas dárigerine qatań sógis jariialanady.
Búginnen bastap Semeige oblys ákimi apparaty basshysynyń orynbasary Iliias Muhamedjan bastaǵan jumys toby baryp, qala jasyl aimaqqa shyqqanǵa deiin sol jerde jumys isteidi. ShQO ákimi jumys tobyna árbir ólim jaǵdaiy boiynsha taǵy da egjei-tegjeili tergeý júrgizýdi, isten shyqqan KT-ny paidalanýǵa berý boiynsha shuǵyl sharalar qabyldaýdy tapsyrdy.
Sonymen qatar, Ermek Omarbekov erteńnen bastap táýlik boiy úsh KT-apparat jumys isteitinin habarlady. 15 mamyrǵa deiin isten shyqqan apparattarǵa jóndeý júrgizý josparlanýda.
– Búgingi kúni oblystaǵy, atap aitqanda Semeidegi epidemiologiialyq jaǵdai bizge qazirgi kezdegi naýqastar legin eńserýge múmkindik beredi. KT úsh apparatynda covid-19 anyqtaý boiynsha táýlik boiy jumys isteidi. 15 mamyrǵa qarai barlyq alty KT - apparat shtattyq rejimde jumys isteitin bolady, – dedi Ermek Omarbekov.
