قاراعاندى تۇرعىنى الماتىدا ٶتكەن كونتسەرتكە پايدالانىلماعان بيلەتٸنٸڭ قۇنىن قايتارۋدى جەنە مورالدىق زييان ٷشٸن ٶتەماقى ٶندٸرۋدٸ تالاپ ەتٸپ, سوتقا جٷگٸندٸ. الايدا سوت ونىڭ تالابىن قاناعاتتاندىرمادى, دەپ حابارلايدى dalanews.kz.
قاراعاندى قالاسى قازىبەك بي اۋدانىنىڭ №2 اۋداندىق سوتىنىڭ باسپاسٶز قىزمەتٸنٸڭ مەلٸمەتٸنشە, ەيەل 2025 جىلعى 21 ماۋسىمدا الماتىدا ٶتكەن كونتسەرتكە ٷش بيلەت ساتىپ العان.
كونتسەرت قارساڭىندا ول تۋىسىنىڭ جاراقات الۋىنا بايلانىستى بٸر بيلەتتٸڭ اقشاسىن قايتارۋدى سۇراپ, ۇيىمداستىرۋشىعا جٷگٸنگەن. الايدا ٶتٸنٸشٸ قاناعاتتاندىرىلماعان.
وسىدان كەيٸن ەيەل كونتسەرت ۇيىمداستىرۋشىسىنا قارسى سوتقا تالاپ ارىز تٷسٸرٸپ, بيلەت قۇنى رەتٸندە 40 مىڭ تەڭگە جەنە مورالدىق زييان ٷشٸن 15 مىڭ تەڭگە ٶتەماقى ٶندٸرۋدٸ تالاپ ەتكەن.
سوت ماتەريالدارىن زەردەلەۋ بارىسىندا تۋىسىنىڭ جاراقات الۋى بيلەتتٸ تالاپ قويۋشىنىڭ ٶزٸ نەمەسە باسقا ادام پايدالانا المايتىنىن دەلەلدەمەيتٸنٸ انىقتالعان. سوندىقتان ۇيىمداستىرۋشىعا بيلەت قۇنىن قايتارۋ مٸندەتٸن جٷكتەۋگە نەگٸز جوق دەگەن شەشٸم قابىلدانعان.
جاۋاپكەر تالاپ ارىزدى مويىنداماعان. ونىڭ ٶكٸلٸ كونتسەرتتٸڭ ٶتكەنٸن جەنە بيلەتتٸ قايتارۋ تۋرالى ٶتٸنٸش بەلگٸلەنگەن مەرزٸمدٸ بۇزا وتىرىپ بەرٸلگەنٸن العا تارتقان.
سوتتىڭ تٷسٸندٸرۋٸنشە, جاۋاپكەر ۇيىمداستىرعان ويىن-ساۋىق ٸس-شارالارىندا تۇتىنۋشىلاردىڭ مٸنەز-قۇلىق قاعيدالارىنىڭ 14-تارماعىنا سەيكەس, كونتسەرتكە ٷش جۇمىس كٷنٸنەن از ۋاقىت قالعاندا, سونداي-اق ٸس-شارا كەزٸندە جەنە ودان كەيٸن بيلەتتەر قايتارىلمايدى.
الايدا تۇتىنۋشى اۋىرعان نەمەسە ونىڭ وتباسى مٷشەسٸ نە جاقىن تۋىسى قايتىس بولعان جاعدايدا ەرەكشەلٸك قاراستىرىلعان.
بٸرٸنشٸ ساتىداعى سوت ەيەلدٸڭ تالابىن قاناعاتتاندىرۋدان باس تارتقان.
بۇل شەشٸممەن كەلٸسپەگەن تالاپ قويۋشى اپەللياتسييالىق شاعىم تٷسٸرگەن. الايدا قاراعاندى وبلىستىق سوتىنىڭ ازاماتتىق ٸستەر جٶنٸندەگٸ سوت القاسى العاشقى سوت شەشٸمٸن ٶزگەرٸسسٸز قالدىرىپ, اپەللياتسييالىق شاعىمدى قاناعاتتاندىرمادى.
