بۇگىن «سەمەي ورمانى» تابيعي رەزەرۆاتى اۋماعىندا ورمانشىلارعا جاڭا تەحنيكالاردىڭ كىلتى سالتاناتتى تۇردە تاپسىرىلدى،– دەپ حابارلايدى Dalanews.kz
شاراعا پرەمەر-مينيستردىڭ ورىنباسارى قانات بوزىمبايەۆ، وبلىس اكىمى بەرىك ءۋالي، توتەنشە جاعدايلار ءمينيسترىنىڭ ورىنباسارى راميل كامالوۆ قاتىستى.
تابيعات قورعاۋشىلارىنا 26 «JAC» ماركالى كولىكتەرىنىڭ كىلتى تابىس ەتىلدى. بۇل تەحنيكا ورمان ىشىندەگى ءورت وشاقتارىنا جىلدام جەتۋگە، جەدەل ارەكەت ەتۋگە مۇمكىندىك بەرەدى.
رەزەرۆاتتىڭ اۆتوپاركى سوڭعى جىلدارى جاڭا تەحنيكالارمەن تولىعۋدا. بىلتىر مەكەمەگە رەزەرۆتىك قور ەسەبىنەن 10 ءورت ءسوندىرۋ ماشيناسى، 14 ۋاز پاتريوت جانە 8 ءورت ءسوندىرۋشى جارتىلاي تىركەمە بەرىلدى. بۇدان بولەك دەمەۋشىلەر ەسەبىنەن 20-عا جۋىق تەحنيكاعا قول جەتكىزدى.
«سەمەي ورمانى» تابيعي رەزەرۆاتى باسشىسىنىڭ ايتۋىنشا، جىل سوڭىنا دەيىن 39 كاماز جانە 10 ءورت سوندىرۋگە ارنالعان تراكتور الىنادى.
