Búgin «Semeı Ormany» tabıǵı rezervaty aýmaǵynda ormanshylarǵa jańa tehnıkalardyń kilti saltanatty túrde tapsyryldy,– dep habarlaıdy Dalanews.kz
Sharaǵa Premer-Mınıstrdiń orynbasary Qanat Bozymbaev, oblys ákimi Berik Ýálı, Tótenshe jaǵdaılar mınıstriniń orynbasary Ramıl Kamalov qatysty.
Tabıǵat qorǵaýshylaryna 26 «JAC» markaly kólikteriniń kilti tabys etildi. Bul tehnıka orman ishindegi órt oshaqtaryna jyldam jetýge, jedel áreket etýge múmkindik beredi.
Rezervattyń avtoparki sońǵy jyldary jańa tehnıkalarmen tolyǵýda. Byltyr mekemege rezervtik qor esebinen 10 órt sóndirý mashınasy, 14 ÝAZ Patrıot jáne 8 órt sóndirýshi jartylaı tirkeme berildi. Budan bólek demeýshiler esebinen 20-ǵa jýyq tehnıkaǵa qol jetkizdi.
«Semeı ormany» tabıǵı rezervaty basshysynyń aıtýynsha, jyl sońyna deıin 39 KamAZ jáne 10 órt sóndirýge arnalǵan traktor alynady.
