ونىڭ ىشىندە 2018 جىلعا اۋىل شارۋاشىلىق ءونىمىنىڭ كولەمىن 59،5 ملرد.تەڭگەگە جەتكىزۋ كوزدەلگەن.
بۇدان بۇرىن اۋدانداعى اتقارىلعان جۇمىستارعا قانىققان وبلىس اكىمى سايرام اۋدانىنىڭ الەۋمەتتىك-ەكونوميكالىق پوتەنسيالىن ءتيىمدى پايدالانۋدى تاپسىرعان بولاتىن.
– ەلباسىمىز بيىلعى حالىققا ارناعان "ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى" اتتى جولداۋىندا «ءۇشىنشى باعىت – «اقىلدى تەحنولوگيالار» – اگروونەركاسىپ كەشەنىن قارقىندى دامىتۋ مۇمكىندىگى دەگەن بولاتىن. اگرارلىق ساياسات ەڭبەك ونىمدىلىگىن تۇبەگەيلى ارتتىرۋعا جانە وڭدەلگەن ءونىمنىڭ ەكسپورتىن ۇلعايتۋعا باعىتتالۋى كەرەك. وسى باعىتتا سايرام اۋدانى ءوزىنىڭ وندىرىستىك-ەكونوميكالىق پوتەنسيالىمەن وبلىستاعى پەرسپەكتيۆتى اۋدان بولىپ ەسەپتەلىنەدى. سوندىقتان اۋدان باسشىسىنا وسى مۇمكىندىكتەردى بارىنشا ءتيىمدى پايدالانۋدى تاپسىرامىن. سونداي-اق، اۋدانعا ينۆەستيسيا تارتۋ، جاڭا ءوندىرىس ورىندارىن اشۋ، شاعىن جانە ورتا كاسىپكەرلىكتى دامىتۋ باعىتىندا جاڭا سەرپىن قاجەت، – دەگەن ەدى جانسەيىت تۇيمەبايەۆ.
بۇگىندە سايرام اۋدانى حالقىنىڭ 12،5 پايىزى شاعىن جانە ورتا بيزنەس سالاسىندا جۇمىسپەن قامتىلعان. اۋدان بويىنشا بەلسەندى كاسىپكەرلىك سۋبەكتىلەردىڭ سانى 13703 بىرلىككە جەتىپ، 5،7 پايىزعا وسكەن. ماسەلەن، بىلتىرعى جىلى اۋدانداعى شاعىن جانە ورتا كاسىپكەرلىك نىساندارى 84، 2 ملرد. تەڭگەنىڭ ءونىمىن وندىرگەن.
