اۋداندا 2016-2020 جىلدارعا ارنالعان دامۋ باعدارلاماسىنداعى 6 باعىت بويىنشا جۇمىستار اتقارىلۋدا. سونىمەن قاتار، اۋداننىڭ 2025 جىلعا دەيىنگى دامۋ كونسەپسياسى ازىرلەنىپ، الداعى ۋاقىتتا ناقتى اتقارىلاتىن جۇمىستار بەلگىلەنگەن. اۋداننىڭ دامۋ باعدارلاماسى مەن ازىرلەنگەن كونسەپسيا نەگىزىندە 10 ايدا اتقارىلعان جۇمىستار دا كوڭىل قۋانتارلىق.
ايتالىق، 2018 جىلدىڭ 1 قاراشاسىنا اۋدان بيۋدجەتىنىڭ كونتينگەنت بويىنشا كىرىستەرى 3 383،5 ملن. تەڭگەگە جوسپارلانىپ، ناقتى 3 419،4 ملن. تەڭگە كىرىستەر ءتۇسىپ، جوسپار 101،1 پايىزعا ورىندالعان. اۋدان بيۋدجەتىنىڭ كىرىستەرىنىڭ جوسپارى 1 973،1 ملن.تەڭگە بولسا، ناقتى ەسەپتى كەزەڭگە 2 060،8 ملن. تەڭگە ءتۇسىم ءتۇسىپ، جوسپار 104،4 %-عا ورىندالعان.
وسىلايشا اۋداننىڭ الەكەمتتىك-ەكونوميكالىق تۇرعىدان بولىنگەن قارجاتتار دەر كەزىندە يگەرىلىپ، حالىقتىڭ ءال-اۋقاتىن كوتەرۋگە باعىتتالعانىن ماقتانىشپەن اتاپ ايتۋعا بولادى.
Dalanews.kz
