ساياساتتانۋشى دوسىم سەتپاەۆ قاماۋعا الىنعان قوعام بەلسەندٸلەرٸ ەلنۇر يلياشەۆ پەن ارمان شوراەۆقا قاتىستى پٸكٸر بٸلدٸردٸ دەپ حابارلايدى Dalanews.kz.
"ەلگٸ ەلدەكٸمدەر ايتىپ جٷرگەن, كٶپشٸلٸگٸ كٷمەنسٸز سەنگەن "جىلىمىعى" وسى ما? بىلتىردان بەر بۇل "جىلىمىقتىڭ" الدامشى ەكەنٸن, ەسكٸ ەمٸرشٸل-ەكٸمشٸل جٷيە سول قالپىندا قالعانىن قايتالاۋمەن كەلەمٸن", – دەيدٸ ول.
سەتپاەۆتىڭ پٸكٸرٸنشە ەلنۇر يلياشەۆ پەن ارمان شوراەۆتىڭ قۇرىقتالۋى - بيلٸك باسىندا وتىرعان ات تٶبەلٸندەي توپتىڭ ەلگە ەسكەرتۋ جاساعانى دەپ تٷسٸنۋ قاجەت.
"بيلٸكتە "حالىق ٷنٸنە قۇلاق اساتىن" ەلگەزەك ازاماتتار جوق. كەرٸسٸنشە جازالاۋدى عانا بٸلەتٸندەر قاراپايىم حالىقتى بيلەپ-تٶستەپ, باسىپ-جانشىپ وتىر.
ەلنۇردى نەگە قۇرىقتادى دەسەڭٸز, ول ٶزٸنٸڭ كونستيتۋتتسييالىق قۇقىن بەلسەندٸ تٷردە قورعاۋعا كٶشتٸ. سونىڭ نەتيجەسٸندە بٸرتە-بٸرتە جاڭا فورماتتاعى ساياسي قايراتكەرگە اينالا باستادى. بۇل بيلٸكتٸڭ مازاسىن قاشىرىپ, كٷندٸك كٷلكٸ, تٷندە ۇيقىدان ايىردى.
ارمان سوڭعى كەزدە قازٸرگٸ ساياسي جٷيەنٸ وڭدىرماي سىناۋمەن بولدى. بيلٸكتٸڭ جەكەلەگەن ٶكٸلدەرٸ مەن وليگارحتارعا قىرعيداي تيٸپ, ٶزٸنٸڭ سوڭعى سۇحباتىندا "قازاقستاننىڭ بار بايلىعى ازداعان ادامنىڭ قولىندا شوعىرلانعانىن" اشىپ ايتتى. ونى تٶتەنشە جاعداي تۇسىندا كٶپە-كٶرنەۋ جالعان مەلٸمەت تاراتتى دەپ قاماپ تاستادى", – دەيدٸ ساياساتتانۋشى.
سەتپاەۆتىڭ توپشىلاۋىنشا بيلٸكتٸڭ كوروناۆيرۋس پەن كارانتيندٸ پايدالانىپ ساياسي وپپونەنتتەرٸن تۇنشىقتىرۋعا كٸرٸسكەن سىڭايى بار.
"بۇل ازاماتتار مەملەكەتتەن كٶك تيىن ۇرلاعان جوق, ەشكٸمگە قاۋٸپ تٶندٸرمەدٸ. ولار تەرروريست, جەمقور نە بولماسا قىلمىسكەر ەمەس", – دەپ جازدى سەتپاەۆ جەلٸدەگٸ پاراقشاسىندا.
ولار بيلٸككە قاتىستى كٶپتٸڭ كٶكەيٸندە جٷرگەن دٷنيەنٸ اشىق ايتقانى ٷشٸن جازالاندى دەيدٸ.
ايتا كەتەلٸك بٷگٸن قوعام بەلسەندٸسٸ, جۋرناليست, ۇلتتىق كەڭەستٸڭ ەكس-مٷشەسٸ ارمان شوراەۆ قاماۋعا الىندى.
الماتى قالالىق پوليتسييا باسقارماسىنىڭ حابارلاۋىنشا بۇعان شوراەۆتىڭ تٶتەنشە جاعداي كەزٸندە ماقساتتى تٷردە جالعان اقپارات تاراتۋى سەبەپ بولعان. ونىڭ ٷستٸنەن قر قىلمىستىق كودەكسٸنٸڭ 274 بابى, 4 تارماعى بويىنشا قىلمىستىق ٸس قوزعالدى.
تولىعىراق:
https://dalanews.kz/52374
