Saiasattanýshy Dosym Sátpaev qamaýǵa alynǵan qoǵam belsendileri Álnur Iliashev pen Arman Shoraevqa qatysty pikir bildirdi dep habarlaidy Dalanews.kz.
"Álgi áldekimder aityp júrgen, kópshiligi kúmánsiz sengen "jylymyǵy" osy ma? Byltyrdan ber bul "jylymyqtyń" aldamshy ekenin, eski ámirshil-ákimshil júie sol qalpynda qalǵanyn qaitalaýmen kelemin", – deidi ol.
Sátpaevtyń pikirinshe Álnur Iliashev pen Arman Shoraevtyń quryqtalýy - bilik basynda otyrǵan at tóbelindei toptyń elge eskertý jasaǵany dep túsiný qajet.
"Bilikte "halyq únine qulaq asatyn" elgezek azamattar joq. Kerisinshe jazalaýdy ǵana biletinder qarapaiym halyqty bilep-tóstep, basyp-janshyp otyr.
Álnurdy nege quryqtady deseńiz, ol óziniń Konstitýttsiialyq quqyn belsendi túrde qorǵaýǵa kóshti. Sonyń nátijesinde birte-birte jańa formattaǵy saiasi qairatkerge ainala bastady. Bul biliktiń mazasyn qashyryp, kúndik kúlki, túnde uiqydan aiyrdy.
Arman sońǵy kezde qazirgi saiasi júieni ońdyrmai synaýmen boldy. Biliktiń jekelegen ókilderi men oligarhtarǵa qyrǵidai tiip, óziniń sońǵy suhbatynda "Qazaqstannyń bar bailyǵy azdaǵan adamnyń qolynda shoǵyrlanǵanyn" ashyp aitty. Ony tótenshe jaǵdai tusynda kópe-kórneý jalǵan málimet taratty dep qamap tastady", – deidi saiasattanýshy.
Sátpaevtyń topshylaýynsha biliktiń koronavirýs pen karantindi paidalanyp saiasi opponentterin tunshyqtyrýǵa kirisken syńaiy bar.
"Bul azamattar memleketten kók tiyn urlaǵan joq, eshkimge qaýip tóndirmedi. Olar terrorist, jemqor ne bolmasa qylmysker emes", – dep jazdy Sátpaev jelidegi paraqshasynda.
Olar bilikke qatysty kóptiń kókeiinde júrgen dúnieni ashyq aitqany úshin jazalandy deidi.
Aita ketelik búgin qoǵam belsendisi, jýrnalist, Ulttyq keńestiń eks-múshesi Arman Shoraev qamaýǵa alyndy.
Almaty qalalyq politsiia basqarmasynyń habarlaýynsha buǵan Shoraevtyń tótenshe jaǵdai kezinde maqsatty túrde jalǵan aqparat taratýy sebep bolǵan. Onyń ústinen QR Qylmystyq kodeksiniń 274 baby, 4 tarmaǵy boiynsha qylmystyq is qozǵaldy.
Tolyǵyraq:
https://dalanews.kz/52374
