قايرات ساتىبالدى ٸسٸنە بايلانىستى مەملەكەتكە قايتارىلعان اكتيۆتەر قايتادان اۋكتسيونعا شىعارىلدى. ساۋدا 26 مامىرعا جوسپارلانعان, دەپ حابارلايدى dalanews.kz.
اۋكتسيونعا قويىلعان نىساندار قاتارىندا الماتىداعى «بايسات» بازارى مەن استاناداعى كامينٸ مەن فرەسكاسى بار ەليتالىق پەتەرلەر بار.
ساتىلىمعا شىعارىلعان بارلىق اكتيۆتەردٸڭ جالپى قۇنى 30 ملرد تەڭگەدەن اسادى.
الماتىداعى سولتٷستٸك اينالما كٶشەسٸندە ورنالاسقان «بايسات» بازارى بۇعان دەيٸن دە بٸرنەشە مەرتە ساتىلىمعا قويىلعان. 2025 جىلدىڭ كٷزٸندە ونىڭ باعاسى 24,77 ملرد تەڭگەگە دەيٸن تٶمەندەتٸلگەنٸمەن, ساتىپ الۋشى تابىلماعان. ەندٸ اكتيۆتٸڭ باستاپقى باعاسى قايتا كٶتەرٸلٸپ, 28,6 ملرد تەڭگە بولىپ بەلگٸلەندٸ.
اۋكتسيون سيپاتتاماسىندا «كٶتەرمە-بٶلشەك ساۋدا ورتالىعى» جشس-نٸڭ جارعىلىق كاپيتالىنداعى 100 پايىز ٷلەس ساتىلىمعا شىعارىلعانى ايتىلعان.
قايتارىلعان اكتيۆتەردٸ باسقارۋ كومپانيياسىنىڭ مەلٸمەتٸنشە, بازار – تۇراقتى اقشا اينالىمى بار, كليەنتتٸك بازاسى قالىپتاسقان جەنە ينفراقۇرىلىمى دامىعان دايىن كوممەرتسييالىق نىسان. نارىقتا ورتا ەسەپپەن 62 ادام جۇمىس ٸستەيدٸ. ورتالىقتىڭ جارعىلىق كاپيتالى 26,3 ملرد تەڭگەنٸ قۇرايدى. باعالاۋ كەزٸندەگٸ تابىسى – 2,7 ملرد تەڭگە.
2025 جىلدىڭ قىركٷيەگٸندەگٸ مەلٸمەت بويىنشا كەسٸپورىننىڭ تازا پايداسى 1,2 ملرد تەڭگەدەن اسقان.
نىسان 2024 جىلدىڭ قاڭتارىندا الماتى ەكونوميكالىق سوتىنىڭ شەشٸمٸمەن تولىقتاي مەملەكەت مەنشٸگٸنە قايتارىلعان. سوت «الماتى جىلۋ حولدينگٸ» كەشەنٸنٸڭ (قازٸرگٸ «بايسات» بازارى) مٷلكٸنە قاتىستى بارلىق مەمٸلەنٸ زاڭسىز دەپ تانىپ, كٷشٸن جويعان.
قالا پروكۋراتۋراسى سوت بارىسىندا كەشەننٸڭ زاڭسىز ساتىلعانى دەلەلدەنگەنٸن حابارلاعان. ەڭگٸمە جالپى اۋماعى 4,2 مىڭ شارشى مەتردەن اساتىن ٷش نىسان مەن 1,4 گەكتار جەر تەلٸمٸ تۋرالى بولعان. ولار قازگەرستروي بٸرلەسكەن كەسٸپورنى مەن Astana Financial Group مەنشٸگٸندە بولعان. پروكۋراتۋرا بۇل ەكٸ كومپانييانىڭ ٶزارا بايلانىستى ەكەنٸن جەنە ولاردىڭ قايرات ساتىبالدىنىڭ ۇلىنا تيەسٸلٸ بولعانىن مەلٸمدەگەن.
بۇعان دەيٸن قايرات ساتىبالدى سوتقا دەيٸنگٸ تەرگەۋ اياسىندا ٶز باقىلاۋىنداعى «بايسات» بازارىنىڭ باسىم بٶلٸگٸن مەملەكەتكە ٶز ەركٸمەن قايتارعان بولاتىن. 2022 جىلدىڭ 26 قىركٷيەگٸندە ول قازاقتەلەكوم مەن تستس ٸسٸ بويىنشا اسا ٸرٸ كٶلەمدە قارجى جىمقىردى دەگەن ايىپپەن التى جىلعا باس بوستاندىعىنان ايىرىلعان.
