سارىاعاش قالاسىندا 36 پاتەرلى كوپ قاباتتى تۇرعىن ءۇيدىڭ 2016-2017 جىلدارى قۇرىلىسى جۇرگىزىلىپ، تۇرعىن ءۇي كوميسسياسىنىڭ قورىتىندىسىنا سايكەس، اۋدان اكىمدىگىنىڭ 25.05.2017 جىلعى №187 قاۋلىسىمەن تۇرعىن ءۇي كەزەگىندە تۇرعان 36 ازاماتقا بەرىلگەن.
بۇگىنگى كۇندە «قول جەتىمدى باسپانا-2020» باعدارلاماسى بويىنشا 2018 جىل باسىندا جوسپارلانعان سارىاعاش قالاسى، قاپلانبەك وقۋ تاجىريبە شارۋاشىلىعى اۋماعىنان 5 قاباتتى 45 پاتەرلى 13 كوپ قاباتتى تۇرعىن ۇيلەردىڭ قۇرىلىسى جۇرگىزىلىپ اياقتالعاننان كەيىن، اتالعان كوپ پاتەرلى تۇرعىن ءۇيدىڭ جىلۋ جۇيەسى ورتالىقتاندىرىلعان جىلۋ قازاندىعىنا قوسۋ جوسپارلانعان.
اۋداندىق تۇرعىن ءۇي كومۋنالدىق شارۋاشىلىق ءبولىمىنىڭ مالىمەتىنە سايكەس، جىلۋ قازاندىعىن قوسۋ تۇرعىندار ءۇشىن ءتيىمسىز، سەبەبى، ءار وتباسىعا تەك قانا جىلۋ ءۇشىن 1 بولمەلى پاتەرگە 44000 تەڭگە، 2 بولمەلى پاتەرگە 64478 تەڭگە، 3 بولمەلى پاتەر يەسى 84478 تەڭگەدەن تولەۋى ءتيىس بولادى.
بۇل قاراجاتتى الەۋمەتتىك وسال توپتاعى ازاماتتار تولەۋ مۇمكىندىگى جوق. وسىعان بايلانىستى، قازىرگى تاڭدا الەۋمەتتىك وسال توپتاعى ازاماتتارعا كوممۋنالدىق تولەمدى سۋبسيديا جاساۋدىڭ زاڭدىلىعى قارالۋدا.
سارىاعاش قالاسىندا ورتالىق كارىز جۇيەسى بولماعاندىقتان، ۋاقىتشا پاتەر يەلەرىنىڭ كەلىسىمىمەن سەپتيك قازىلىپ، پايدالانۋعا بەرىلگەن. كوپقاباتتى تۇرعىن ۇيلەردىڭ كارىز جۇيەسىن ورتالىق كارىز جۇيەسىنە قوسۋ قاراستىرىلعاندىعى جونىندە تۇرعىندارعا ەسكەرتىلگەن. قازىرگى تاڭدا پاتەر يەلەرىنەن پاتەر اقىلارىنا قوسىمشا اقى الىنىپ اسسەنيزاتور ماشيناسى ارقىلى سەپتيك تازالانۋدا.
قازىرگى تاڭدا ق ر ۇقك شق «2020 اسكەري ءبولىمى» مەكەمەسىنىڭ كارىز جۇيەسىنە ۋاقىتشا قوسۋ ءۇشىن سارىاعاش قالاسى اكىمدىگىمەن ءتيىستى جۇمىستار جۇرگىزىلۋدە.
اتالعان كوپپاتەرلى تۇرعىن ءۇي اۋىز سۋ جۇيەسىمەن قامتاماسىز ەتىلگەن، اۋىز سۋ بەرۋ قىزمەتىن «قازسۋشار» رمك «وڭتۇستىكاۋىزسۋ» فيليالى «سارىاعاش توپتىق سۋ جۇيەسى» وندىرىستىك بولىمشەسى اتقارادى.
بۇل ماسەلەنىڭ شەشىلۋى بويىنشا قاتاڭ باقىلاۋعا الىنىپ، قوسىمشا اقپارات بەرىلەتىن بولادى.
