Saryaǵash qalasynda 36 páterli kóp qabatty turǵyn úıdiń 2016-2017 jyldary qurylysy júrgizilip, turǵyn úı komısıasynyń qorytyndysyna sáıkes, aýdan ákimdiginiń 25.05.2017 jylǵy №187 qaýlysymen turǵyn úı kezeginde turǵan 36 azamatqa berilgen.
Búgingi kúnde «Qol jetimdi baspana-2020» baǵdarlamasy boıynsha 2018 jyl basynda josparlanǵan Saryaǵash qalasy, Qaplanbek oqý tájirıbe sharýashylyǵy aýmaǵynan 5 qabatty 45 páterli 13 kóp qabatty turǵyn úılerdiń qurylysy júrgizilip aıaqtalǵannan keıin, atalǵan kóp páterli turǵyn úıdiń jylý júıesi ortalyqtandyrylǵan jylý qazandyǵyna qosý josparlanǵan.
Aýdandyq turǵyn úı komýnaldyq sharýashylyq bóliminiń málimetine sáıkes, jylý qazandyǵyn qosý turǵyndar úshin tıimsiz, sebebi, ár otbasyǵa tek qana jylý úshin 1 bólmeli páterge 44000 teńge, 2 bólmeli páterge 64478 teńge, 3 bólmeli páter ıesi 84478 teńgeden tóleýi tıis bolady.
Bul qarajatty áleýmettik osal toptaǵy azamattar tóleý múmkindigi joq. Osyǵan baılanysty, qazirgi tańda áleýmettik osal toptaǵy azamattarǵa komýnaldyq tólemdi sýbsıdıa jasaýdyń zańdylyǵy qaralýda.
Saryaǵash qalasynda ortalyq káriz júıesi bolmaǵandyqtan, ýaqytsha páter ıeleriniń kelisimimen septık qazylyp, paıdalanýǵa berilgen. Kópqabatty turǵyn úılerdiń káriz júıesin ortalyq káriz júıesine qosý qarastyrylǵandyǵy jóninde turǵyndarǵa eskertilgen. Qazirgi tańda páter ıelerinen páter aqylaryna qosymsha aqy alynyp assenızator mashınasy arqyly septık tazalanýda.
Qazirgi tańda QR UQK SHQ «2020 Áskerı bólimi» mekemesiniń káriz júıesine ýaqytsha qosý úshin Saryaǵash qalasy ákimdigimen tıisti jumystar júrgizilýde.
Atalǵan kóppáterli turǵyn úı aýyz sý júıesimen qamtamasyz etilgen, aýyz sý berý qyzmetin «QazSýSHar» RMK «Ońtústikaýyzsý» fılıaly «Saryaǵash toptyq sý júıesi» óndiristik bólimshesi atqarady.
Bul máseleniń sheshilýi boıynsha qatań baqylaýǵa alynyp, qosymsha aqparat beriletin bolady.
