كوۆوركينگ ورتالىعىنىڭ جۇمىسىمەن سارىاعاش اۋداندىق ورتالىقتاندىرىلعان كىتاپحانالار جۇيەسىنىڭ ديرەكتورى كۋلگينوۆا ءقالبيبى سەيدير قىزى ورتالىقتىڭ جۇمىسىمەن تانىستىرا وتىرىپ،
«ءار ادامعا ءوزىنىڭ سۇيىكتى ىسىمەن اينالىسۋىنا، ارنايى تاقىرىپتاردا دوڭگەلەك ۇستەلدەر ۇيىمداستىرۋعا، شاحمات، توعىزقۇمالاق، دويبى ويناۋعا، گۇل ءوسىرىپ، قولونەر بۇيىمدارىن جاساۋعا زور مۇمكىندىك جاسايتىن ورتالىق بولادى» دەدى.
سالتاناتتى ءىس-شارادا اۋدان اكىمىنىڭ ورىنباسارى تاسقۇلوۆ سمايل ابۋباكىرۇلىنا، سارىاعاش اۋداندىق مادەنيەت جانە تىلدەردى دامىتۋ ءبولىمىنىڭ باسشىسى جانشۋاقوۆ ءابىلازىم قالتايۇلىنا ءسوز بەرىلدى. كوۆوركينگ ورتالىعىنىڭ دەمەۋشىلەرى اعابەكوۆ سەرىك قاناتۇلىنا، حيديروۆ باۋىرجان جايلاۋۇلىنا، ۋرازبايەۆ باعدات قادىرۇلىنا، وماروۆ نۋرماحان يسماتوۆۇلىنا ۇلكەن العىس بىلدىرە وتىرىپ، اۋدان اكىمى اتىنان «جومارت جۇرەك» ديپلومىمەن ماراپاتتالدى.
ايتا كەتەلىك، كوۆوركينگ دەگەنىمىز – كىتاپحانادان ارنايى ءبىر بولمەنى وقىرماندارعا ساي ەتىپ ازىرلەۋ. ياعني ءموبيلدى ستاندارت بويىنشا جابدىقتالادى.
كوۆوركينگ ورتالىعى كەز كەلگەن ادامعا ءوزىنىڭ سۇيىكتى ىسىمەن اينالىسۋىنا، ارنايى تاقىرىپتاردا دوڭگەلەك ۇستەلدەر ۇيىمداستىرۋعا، شاحمات، دويبى ويناۋعا، گۇل ءوسىرىپ، قولونەر بۇيىمدارىن جاساۋعا زور مۇمكىندىك تۋدىرادى. ءبىر سوزبەن ايتقاندا كىتاپحاناعا كەلۋشىلەردىڭ بوس ۋاقىتىن ءتيىمدى ءارى پايدالى وتكىزۋىنە بار جاعدايدى جاسايتىن ورتالىق بولماق. سوندىقتان مۇنداي ورتالىقتاردى قۇرۋ ءارى ولاردىڭ سانىن كوبەيتۋ زامان تالابىنان تۋىنداپ وتىر.
