Kovorkıng ortalyǵynyń jumysymen Saryaǵash aýdandyq ortalyqtandyrylǵan kitaphanalar júıesiniń dırektory Kýlgınova Qalbıbi Seıdırqyzy ortalyqtyń jumysymen tanystyra otyryp,
«Ár adamǵa óziniń súıikti isimen aınalysýyna, arnaıy taqyryptarda dóńgelek ústelder uıymdastyrýǵa, shahmat, toǵyzqumalaq, doıby oınaýǵa, gúl ósirip, qolóner buıymdaryn jasaýǵa zor múmkindik jasaıtyn ortalyq bolady» dedi.
Saltanatty is-sharada aýdan ákiminiń orynbasary Tasqulov Smaıl Ábýbákirulyna, Saryaǵash aýdandyq mádenıet jáne tilderdi damytý bóliminiń basshysy Janshýaqov Ábilázim Qaltaıulyna sóz berildi. Kovorkıng ortalyǵynyń demeýshileri Aǵabekov Serik Qanatulyna, Hıdırov Baýyrjan Jaılaýulyna, Ýrazbaev Baǵdat Qadyrulyna, Omarov Nýrmahan Ismatovulyna úlken alǵys bildire otyryp, Aýdan ákimi atynan «Jomart júrek» dıplomymen marapattaldy.
Aıta ketelik, kovorkıng degenimiz – kitaphanadan arnaıy bir bólmeni oqyrmandarǵa saı etip ázirleý. Iaǵnı mobıldi standart boıynsha jabdyqtalady.
Kovorkıng ortalyǵy kez kelgen adamǵa óziniń súıikti isimen aınalysýyna, arnaıy taqyryptarda dóńgelek ústelder uıymdastyrýǵa, shahmat, doıby oınaýǵa, gúl ósirip, qolóner buıymdaryn jasaýǵa zor múmkindik týdyrady. Bir sózben aıtqanda kitaphanaǵa kelýshilerdiń bos ýaqytyn tıimdi ári paıdaly ótkizýine bar jaǵdaıdy jasaıtyn ortalyq bolmaq. Sondyqtan mundaı ortalyqtardy qurý ári olardyń sanyn kóbeıtý zaman talabynan týyndap otyr.
