جىلىجاي شارۋاشىلىعى سارىعاش اۋدانىندا جىلدان جىلعا كوبەيىپ، جالپى كولەمى بويىنشا دا، الىنعان ءونىمى بويىنشا دا ەلىمىزدە كوش ىلگەرى تۇرعان سالا. بۇل ءبىر جاعىنان اۋدان ەكونوميكاسىنا دا وڭ ىقپال ەتىپ وتىرعانى جايى بار.
اتاپ ايتار بولساق، 2007-2008 جىلدارى جارتىتوبە مەن دەربىسەك اۋىلدىق وكرۋگتەرىندە 32،5 گەكتار جەردە عانا جىلىجاي بولعان بولسا، ودان كەيىنگى جىلدارى جىلىجاي 21 اۋىلدىق وكرۋگتە سالىنىپ، كولەمى 664 گەكتارعا جەتتى.
وسى جىلىجايلاردان وتكەن جىلى 120 مىڭ 273 توننا ءونىم الىنعان ەكەن. ونىڭ ىشىندە 99 مىڭ توننادان استامى قىزاناق، 21205 تونناسى قيار. ءار گەكتاردان الىنعان ءونىمنىڭ ورتاشا تۇسىمدىلىگى 1866،6 سەنتنەردى قۇرادى.
سونداي-اق اۋداندا جىلىجاي شارۋاشىلىعىن دامىتۋ بويىنشا شەبەرلىك ساباقتارى ءوتىپ تۇرادى. وندا ماماندار جابىق توپىراقتا قىزاناق، قيار، باۋ- باقشا ونىمدەرىن قالاي مولىنان الۋعا بولاتىنىن جانە جىلىجايدى قالاي سالۋدى، ماتەريال، تۇقىم، تىڭايتقىشتار تاڭداعاندا نە نارسەگە نازار اۋدارۋ قاجەتتىگىن ۇيرەتەدى.
ايتا كەتەيىك، وبلىستا جىلىجاي كولەمى وتكەن جىلى 212 گەكتارعا ارتىپ، جالپى 1 335 گەكتارعا جەتتى. جىلىجايلاردان الىنعان ءونىم نەگىزىنەن قازاقستاننىڭ سولتۇستىك ايماقتارى مەن رەسەي فەدەراسياسىنىڭ كوپتەگەن قالالارىنىڭ كوكونىسكە دەگەن مۇقتاجىن قامتاماسىز ەتىپ وتىر.
