Saryaǵash aýdanynda jylyjailar sany jyldan-jylǵa kóbeiip keledi
Jylyjai sharýashylyǵy Saryǵash aýdanynda jyldan jylǵa kóbeiip, jalpy kólemi boiynsha da, alynǵan ónimi boiynsha da elimizde kósh ilgeri turǵan sala. Bul bir jaǵynan aýdan ekonomikasyna da oń yqpal etip otyrǵany jaiy bar.
Atap aitar bolsaq, 2007-2008 jyldary Jartytóbe men Derbisek aýyldyq okrýgterinde 32,5 gektar jerde ǵana jylyjai bolǵan bolsa, odan keiingi jyldary jylyjai 21 aýyldyq okrýgte salynyp, kólemi 664 gektarǵa jetti.
Osy jylyjailardan ótken jyly 120 myń 273 tonna ónim alynǵan eken. Onyń ishinde 99 myń tonnadan astamy qyzanaq, 21205 tonnasy qiiar. Ár gektardan alynǵan ónimniń ortasha túsimdiligi 1866,6 tsentnerdi qurady.
Sondai-aq aýdanda jylyjai sharýashylyǵyn damytý boiynsha sheberlik sabaqtary ótip turady. Onda mamandar jabyq topyraqta qyzanaq, qiiar, baý- baqsha ónimderin qalai molynan alýǵa bolatynyn jáne jylyjaidy qalai salýdy, material, tuqym, tyńaitqyshtar tańdaǵanda ne nársege nazar aýdarý qajettigin úiretedi.
Aita keteiik, oblysta jylyjai kólemi ótken jyly 212 gektarǵa artyp, jalpy 1 335 gektarǵa jetti. Jylyjailardan alynǵan ónim negizinen Qazaqstannyń soltústik aimaqtary men Resei Federatsiiasynyń kóptegen qalalarynyń kókóniske degen muqtajyn qamtamasyz etip otyr.
