قۇرامىنا ورتالىق مەملەكەتتىك ورگانداردىڭ باسشىلارى، پارلامەنت دەپۋتاتتارى، قحا وكىلدەرى كىرگەن ۇكىمەت كوميسسياسىنىڭ باسشىسى سورتوبە جانە ماسانچي اۋىلدارىندا بولدى، قازا تاپقانداردىڭ وتباسىلارىنا بارىپ كوڭىل ايتتى.
– ق ر پرەزيدەنتى قاسىم-جومارت توقايەۆ پەن ۇكىمەتتىڭ اتىنان شىن قايعىرىپ كوڭىل ايتامىز. ءبىز سىزدەردى بۇل قيىندىقتا قالدىرمايمىز، سىزدەردىڭ قاۋىپسىزدىكتەرىڭىزدى قامتاماسىز ەتەمىز. سىزدەردىڭ وتباسىلارىڭىزعا كومەكتەسەمىز، مەملەكەت سىزدەردى قولدايتىن بولادى، – دەدى بەردىبەك ساپاربايەۆ.
قازا تاپقانداردىڭ تۋعان-تۋىستارى مەن جەرگىلىكتى تۇرعىندار بيلىكتەن كىنالىلەردى تاۋىپ، جازاعا تارتۋدى سۇرادى.
– بۇل قىلمىسكەرلىك نيەتپەن جاسالدى. بەيتانىس ادامدار اۋىلدا ءجۇرىپ، ۇيلەردى ورتەپ، اقشا مەن التىن تالاپ ەتىپ، قارۋمەن قورقىتقان. «ۇيلەرىڭ ورتەنىپ جاتىر، شىعىڭدار» دەگەن. ولاردىڭ اراسىندا ماس ادامدار بولدى، – دەدى تۇرعىندار.
سونىمەن قاتار ۆيسە-پرەمەر تارتىپسىزدىك كەزىندە زارداپ شەككەن تۇرعىن ۇيلەردى، الەۋمەتتىك جانە كوممەرسيالىق نىسانداردى ارالاپ كوردى.
– مەملەكەت باسشىسى وتباسىلارعا بارلىق قاجەتتى كومەكتى جانە قولداۋدى كورسەتۋدى تاپسىردى. كوميسسيا قۇرامىندا يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى ق.وسكەنبايەۆ باردى. ءقازىر ماماندار كەلتىرىلگەن زارداپتى باعالاپ جاتىر، بارلىعى قولدانىستاعى زاڭناماعا سايكەس قالپىنا كەلتىرىلەتىن بولادى، – دەدى بەردىبەك ساپاربايەۆ.
سونىمەن قاتار ۇكىمەت كوميسسياسىنىڭ مۇشەلەرى جەرلەۋ راسىمدەرىنە قاتىستى.
