ق ر قارجى مينيسترلىگى سالىقتاردى تەكسەرۋدىڭ جاناما ءادىسىن ەنگىزگەلى جاتىر. ەندى كىرىستەر مەن مۇلىك بالامالى كوزدەر بويىنشا انىقتالاتىن بولادى، وندا دا اكتيۆتەر، شىعىستار جانە اينالىمدار ارقىلى، دەپ حابارلايدى Dalanews.kz.
قارجى مينيسترلىگى سالىقتى انىقتايتىن جاڭا ءادىستى ەنگىزبەك. جاڭا سالىق كودەكسىنىڭ 173-بابىنىڭ 5-تارماعىندا جاڭا قۇرال - جاناما ءادىس قاراستىرىلعان. ول "سالىق سالۋ وبەكتىلەرىن جانە (نەمەسە) سالىق سالۋعا بايلانىستى وبەكتىلەردى جاناما ادىسپەن ايقىنداۋ قاعيدالارىن بەكىتۋ تۋرالى" بۇيرىق جوباسىن قامتىپ، سالىق تولەۋشى ەسەپ جۇرگىزۋ ءتارتىبىن بۇزعان جاعدايلاردا، سونداي-اق ەسەپ قۇجاتتاماسى جوعالعان نەمەسە جويىلعان كەزدە مەملەكەتتىك كىرىستەر ورگاندارىمەن قولدانىلاتىن بولادى.
بۇدان بولەك، بۇل ءادىس جەكە تۇلعالاردىڭ كىرىسىن نەعۇرلىم وبەكتيۆتى ايقىنداۋعا مۇمكىندىك بەرەدى.
جاناما ءادىستىڭ ءمانى – باستاپقى قۇجاتتار بولماعان نەمەسە بۇرمالانعان جاعدايدا سالىق ورگاندارى بالامالى اقپارات كوزدەرىن پايدالاناتىنىندا. سالىق سالۋ بازاسىن ەسەپتەۋ ءۇشىن سالىق تولەۋشىنىڭ اكتيۆتەرى مەن مۇلكى، مىندەتتەمەلەرى، اينالىمدارى، كىرىستەرى، شىعىندارى مەن جۇمساۋلارى جونىندەگى دەرەكتەر قولدانىلۋى مۇمكىن. مۇنداي ءادىس اۋىتقۋشىلىقتى انىقتاپ، سۋبەكتىنىڭ ناقتى قارجىلىق جاعدايى تۋرالى شىنايىراق كورىنىس الۋعا مۇمكىندىك بەرەدى.
جاناما ءادىستى قولدانۋ ءبىرقاتار مىندەتتەردى شەشەدى:
- سالىقتىق اكىمشىلەندىرۋدىڭ تيىمدىلىگىن ارتتىرادى؛
- دەكلاراسيالاردا مالىمەتتەردىڭ تولىقتىعى مەن شىنايىلىعىن قامتاماسىز ەتەدى؛
- سالىقتىق تاۋەكەلدەردى قاشىقتان مونيتورينگىلەۋگە مۇمكىندىك بەرەدى؛
- سالىق تولەۋدەن جالتارۋدىڭ الدىن الۋعا ىقپال ەتەدى؛
- سالىق سالۋدىڭ ادىلدىك قاعيداتىن نىعايتادى.
اقىرىندا، بۇل كولەڭكەلى ەكونوميكانىڭ كولەمىن ازايتۋعا جانە بيزنەستى جۇرگىزۋدىڭ نەعۇرلىم ادال جاعدايلارىن قالىپتاستىرۋعا الىپ كەلەدى.
