QR Qarjy ministrligi salyqtardy tekserýdiń janama ádisin engizgeli jatyr. Endi kirister men múlik balamaly kózder boiynsha anyqtalatyn bolady, onda da aktivter, shyǵystar jáne ainalymdar arqyly, dep habarlaidy Dalanews.kz.
Qarjy ministrligi salyqty anyqtaityn jańa ádisti engizbek. Jańa Salyq kodeksiniń 173-babynyń 5-tarmaǵynda jańa qural - janama ádis qarastyrylǵan. Ol "Salyq salý obektilerin jáne (nemese) salyq salýǵa bailanysty obektilerdi janama ádispen aiqyndaý qaǵidalaryn bekitý týraly" buiryq jobasyn qamtyp, salyq tóleýshi esep júrgizý tártibin buzǵan jaǵdailarda, sondai-aq esep qujattamasy joǵalǵan nemese joiylǵan kezde memlekettik kirister organdarymen qoldanylatyn bolady.
Budan bólek, bul ádis jeke tulǵalardyń kirisin neǵurlym obektivti aiqyndaýǵa múmkindik beredi.
Janama ádistiń máni – bastapqy qujattar bolmaǵan nemese burmalanǵan jaǵdaida salyq organdary balamaly aqparat kózderin paidalanatynynda. Salyq salý bazasyn esepteý úshin salyq tóleýshiniń aktivteri men múlki, mindettemeleri, ainalymdary, kiristeri, shyǵyndary men jumsaýlary jónindegi derekter qoldanylýy múmkin. Mundai ádis aýytqýshylyqty anyqtap, sýbektiniń naqty qarjylyq jaǵdaiy týraly shynaiyraq kórinis alýǵa múmkindik beredi.
Janama ádisti qoldaný birqatar mindetterdi sheshedi:
- salyqtyq ákimshilendirýdiń tiimdiligin arttyrady;
- deklaratsiialarda málimetterdiń tolyqtyǵy men shynaiylyǵyn qamtamasyz etedi;
- salyqtyq táýekelderdi qashyqtan monitoringileýge múmkindik beredi;
- salyq tóleýden jaltarýdyń aldyn alýǵa yqpal etedi;
- salyq salýdyń ádildik qaǵidatyn nyǵaitady.
Aqyrynda, bul kóleńkeli ekonomikanyń kólemin azaitýǵa jáne biznesti júrgizýdiń neǵurlym adal jaǵdailaryn qalyptastyrýǵa alyp keledi.
