قر عىلىم جەنە جوعارى بٸلٸم مينيسترٸ ساياسات نۇربەك مەملەكەتتٸك بٸلٸم گرانتتارىنىڭ نەتيجەسٸ جارييالانعاننان كەيٸن تالاپكەرلەر مەن ولاردىڭ اتا-انالارىنا ٷندەۋ جاساپ, گرانت يەلەنە الماعان تٷلەكتەرگە قولداۋ بٸلدٸردٸ, دەپ حابارلايدى dalanews.kz.
مينيستردٸڭ ايتۋىنشا, بيىل مەملەكەتتٸك بٸلٸم گرانتىن 75 مىڭنان استام تالاپكەر جەڭٸپ العان. سونىمەن قاتار كونكۋرس ٶتكەن جىلمەن سالىستىرعاندا ايتارلىقتاي جوعارى بولعان. ەگەر 2025 جىلى گرانت كونكۋرسىنا 113 مىڭ ٶتٸنٸش تٷسسە, بيىل ولاردىڭ سانى 127 مىڭعا جەتكەن.
ساياسات نۇربەك گرانت الا الماعان تالاپكەرلەرگە مەملەكەتتٸك گرانت جوعارى بٸلٸم الۋدىڭ جالعىز مٷمكٸندٸگٸ ەمەس ەكەنٸن اتاپ ٶتتٸ. ونىڭ سٶزٸنشە, بيىل جوعارى وقۋ ورىندارى 2 مىڭنان استام رەكتورلىق گرانت بٶلٸپ وتىر. سونداي-اق ەكٸمدٸكتەردٸڭ, ٸرٸ كومپانييالار مەن قوعامدىق قورلاردىڭ بٸلٸم گرانتتارى بار.
مينيستر «قازاقستان حالقىنا» قوعامدىق قورى اۋىلدىق جەرلەردەن شىققان تٷلەكتەرگە 350 گرانت ۇسىناتىنىن, ال KAZENERGY, «قازاتومٶنەركەسٸپ» جەنە باسقا ۇيىمدار دا ٶز بٸلٸم بەرۋ باعدارلامالارىن جٷزەگە اسىرىپ جاتقانىن ەسكە سالدى.
سونداي-اق ول اقىلى بٶلٸمگە تٷسكەن ستۋدەنتتەردٸڭ كەيٸن بوسايتىن مەملەكەتتٸك گرانتتارعا ٷمٸتكەر بولا الاتىنىن ايتتى.
«بٸر عانا تٸزٸمگە ارمانىڭىزدىڭ اۋقىمىن انىقتاۋعا جول بەرمەڭٸز. كەيدە ارمانعا اپارار جول بٸز جوسپارلاعاننان سەل ۇزاعىراق بولادى. بٸراق بۇل ونىڭ باسقا باعىتقا اپارا جاتقانىن بٸلدٸرمەيدٸ», – دەدٸ مينيستر.
ساياسات نۇربەك اتا-انالاردى بالالارىنا قولداۋ كٶرسەتۋگە شاقىرىپ, گرانت نەتيجەسٸن ٶمٸرلٸك ٷكٸم رەتٸندە قابىلداماۋعا كەڭەس بەردٸ. ونىڭ ايتۋىنشا, بٷگٸن مەملەكەتتٸك گرانت يەگەرلەرٸ قاتارىنان ٶز ەسٸمٸن تابا الماعان تالاپكەرلەر ٷشٸن دە جوعارى بٸلٸم الۋدىڭ باسقا مٷمكٸندٸكتەرٸ ساقتالىپ وتىر.
