ساعىز اۋىلىندا نوعايتى ٶزەنٸنٸڭ تاسۋى توقتاپ, قاۋٸپ سەيٸلدٸ
قاۋٸپسٸزدٸك ٷشٸن اتالعان ٷيدٸڭ تۇرعىندارى ۋاقىتشا ەۆاكۋاتسييالانعان بولاتىن. سۋ تاسۋ قاۋٸپٸ سەيلگەندٸكتەن ولاردىڭ بارلىعى ٷيلەرٸنە ورالدى.
جەرگٸلٸكتٸ ەكٸمدٸكتٸڭ تيٸستٸ جۇمىستاردى جەدەل اتقارۋىنىڭ ارقاسىندا سۋ باسۋ قاۋٸپٸنٸڭ الدى الىندى. ەشقانداي ٷي مەن قورا سۋعا كەتكەن جوق.
الدىن الا دا قاۋٸپسٸزدٸك جۇمىستارى جٷرگٸزٸلگەن بولاتىن.
قاۋٸپسٸزدٸك جۇمىستارىنا 20-عا جۋىق تەحنيكا, ەكٸمدٸك قىزمەتكەرلەرٸ, اۋىل تۇرعىندارى, ٶزگە دە مەكەمە ٶكٸلدەرٸ مەن ەرٸكتٸلەر بارلىعى 200-دەن اسا ادام جۇمىلدىرىلدى. ولار سۋ باسۋى مٷمكٸن دەگەن جەرلەرگە ارنايى قۇم سالىنعان قاپتار مەن توپىراقتاردى تولتىرىپ بٶگەتتەر تۇرعىزدى.
تۇرعىنداردىڭ ايتۋىنشا, نوعايتى ٶزەنٸنٸڭ مۇنداي تاسۋى بۇرىن-سوڭدى بولماعان. بيىل اقپان ايىنان باستاپ وسىمەن ٷشٸنشٸ رەت تاسۋدا.
قازٸر نوعايتى ٶزەنٸنٸڭ ارناسى تٶمەندەپ, تاسۋ قاۋٸپٸ سەيٸلدٸ.
قازٸر ساعىز اۋىلىندا اۋدان ەكٸمٸ نۇرسۇلتان بيسەمبيەۆ باستاعان ارنايى شتاب جۇمىس ٸستەۋدە.
ساعىز اۋىلىنداعى احۋال تۇراقتى باقىلاۋدا.
