اكىم ۆيرۋستىڭ تارالۋىنا قارسى تۇرۋ ءۇشىن قالالىقتاردى بەلسەندى تۇردە ۆاكسينا سالدىرۋعا شاقىردى.
كۆي بويىنشا ەپيدەميولوگيالىق احۋال سوڭعى اپتادا ايتارلىقتاي ناشارلادى. 23 شىلدەدەن باستاپ كۇن سايىن مىڭنان استام ناۋقاس تىركەلىپ جاتىر.
اپتا ىشىندە ناۋقاستار سانى 1،2 ەسەگە ءوستى – 5483 جاعدايدان 6818-گە دەيىن، تاۋلىكتىك ءوسىم 1،3%ء-تى قۇرادى. سيمپتومدى ناۋقاستاردىڭ ۇلەس سالماعى باياۋلاپ، 90% دەڭگەيىندە قالدى.
27 شىلدەدەگى مالىمەت بويىنشا الماتى قالاسىندا ۆاكسينانىڭ I كومپونەنتىن حالىقتىڭ 49،9%، II كومپونەنتىن 33،6%ء-ى الدى. الايدا بۇل COVID-19 "دەلتا" نۇسقاسىنان تۋىنداعان ەپيدەميانىڭ كەزەكتى تولقىنىن تۇراقتاندىرۋ ءۇشىن ءالى دە جەتكىلىكسىز.
سونىمەن قاتار، سوڭعى 2 اپتاداعى جاس قۇرامىنى تالداۋ مىنانى كورسەتەدى: 1 جاسقا دەيىنگى بالالاردىڭ دەرتكە شالدىعۋ كورسەتكىشى 0،3%-كە ارتىپ، 2،8% بولدى. وتكەن اپتادا 135 بالا دەرتكە شالدىقسا، ءقازىر ولاردىڭ سانى 178 بالاعا ارتتى. كۆي دەرتى 20-دان 40 جاسقا دەيىنگى ازاماتتار اراسىندا – 38%، 40-59 جاستا – 25% جانە 60 جاستان اسقان ادامداردا - 20%.
وسىعان وراي ساعىنتايەۆ الماتىلىقتار مەن قالا قوناقتارىن كۆي ەكپەسىن الىپ، ساقتىق پەن جاۋاپكەرشىلىك تانىتۋعا شاقىردى.
