Ákim vırýstyń taralýyna qarsy turý úshin qalalyqtardy belsendi túrde vaksına saldyrýǵa shaqyrdy.
KVI boıynsha epıdemıologıalyq ahýal sońǵy aptada aıtarlyqtaı nasharlady. 23 shildeden bastap kún saıyn myńnan astam naýqas tirkelip jatyr.
Apta ishinde naýqastar sany 1,2 esege ósti – 5483 jaǵdaıdan 6818-ge deıin, táýliktik ósim 1,3%-ti qurady. Sımptomdy naýqastardyń úles salmaǵy baıaýlap, 90% deńgeıinde qaldy.
27 shildedegi málimet boıynsha Almaty qalasynda vaksınanyń I komponentin halyqtyń 49,9%, II komponentin 33,6%-i aldy. Alaıda bul COVID-19 "delta" nusqasynan týyndaǵan epıdemıanyń kezekti tolqynyn turaqtandyrý úshin áli de jetkiliksiz.
Sonymen qatar, sońǵy 2 aptadaǵy jas quramyny taldaý mynany kórsetedi: 1 jasqa deıingi balalardyń dertke shaldyǵý kórsetkishi 0,3%-ke artyp, 2,8% boldy. Ótken aptada 135 bala dertke shaldyqsa, qazir olardyń sany 178 balaǵa artty. KVI derti 20-dan 40 jasqa deıingi azamattar arasynda – 38%, 40-59 jasta – 25% jáne 60 jastan asqan adamdarda - 20%.
Osyǵan oraı Saǵyntaev almatylyqtar men qala qonaqtaryn KVI ekpesin alyp, saqtyq pen jaýapkershilik tanytýǵa shaqyrdy.
