كەشەدەن بەرى نۇرلان سابۋروۆ پەن تينا كاندەلاكيدىڭ اراسىنداعى اۋديو جازبا جەلىدە قىزۋ تالقىلانۋدا. وسىدان كەيىن نۇرلان سابۋروۆ تينا ەكەۋىنىڭ اراسىنداعى جازبانىڭ فەيك ەكەنىن ايتتى، – دەپ حابارلايدى Dalanews.kz.
– جەلدەگى اۋديو جازبا فەيك. ونى تىڭداپ كورگەن ادام جاساندى ينتەللەكتپەن جاسالعان دۇنيە ەكەنىن بىردەن اڭعارادى. مەنىڭشە، جۋرنالايتەر ءبىرىنشى كەزەكتە مۇنىڭ فەيك ەكەنىن انىقتاۋى كەرەك ەدى. وكىنىشكە وراي، ولار ونى بارىنشا تاراتۋدا، – دەپ سابۋروۆ تىلشىلەر قاۋىمىنا وكپەسى قارا قازانداي ەكەنىن بايقاتتى.
ءوز كەزەگىندە سابۋروۆتىڭ مەنەدجەرى "ءبىز ساراپشىلارعا اۋديو جازبانىڭ ءتۇپنۇسقا ەمەس انىقتاۋىن بەرۋىن وتىندىك» دەپ جازبا قالدىرىپتى.
ەگەر نۇرلان مەن ونىڭ مەنەدجەرى الگى اۋديو جازبانىڭ شىنمەن فەيك دۇنيە ەكەنىنە سەنىمدى بولسا، ولار مۇنشالىقتى شالا بۇلىنبەس ەدى.
سوعان قاراعاندا نۇرلان مەن تينانىڭ اراسىندا الگىندەي اڭگىمەنىڭ بولعانى راس.
تينا كاندەلاكي ءپۋتيننىڭ يمپەرشىلدىك ساياساتىن قولاپ، سااكاشۆيليدىڭ ارتىنان تالاي ءسوز ايتقان ادام. ول شايپاۋ مىنەزىنە سالىپ،تەلەفون ارقىلى سابۋروۆتىڭ دا ەكى اياعىن ءبىر ەتىككە تىعۋى مۇمكىن.
ەندى قازاق ءتىلىن بىلمەيتىن ءدۇبارا سابۋروۆ بارريكادانىڭ ءبىر جاعىنا شىعۋى كەرەك. نۇرلان الداعى ۋاقىتتا ارمان داۋلەتياروۆ سەكىلدى قازاقستانعا ورالۋى ءتيىس، بولماسا تينانىڭ قاتارىنا قوسىلىپ، ءپۋتيننىڭ پروپاگانديستىنە اينالۋى كەرەك.
سابۋروۆ وسى ەكى جولدىڭ ءبىرىن تاڭداۋدان باسقا امالى جوق.
