رەسەي مەن قازاقستان جايىق ٶزەنٸنٸڭ ەكوجٷيەسٸن قالپىنا كەلتٸرۋگە باعىتتالعان 2027–2032 جىلدارعا ارنالعان بەس جىلدىق بٸرلەسكەن باعدارلامانى ەزٸرلەۋدٸ جوسپارلاپ وتىر, دەپ حابارلايدى dalanews.kz.
بۇل باستاما رەسەي تابيعي رەسۋرستار جەنە ەكولوگييا مينيسترٸنٸڭ ورىنباسارى دميتريي تەتەنكين مەن قازاقستان ەكولوگييا جەنە تابيعي رەسۋرستار ۆيتسە-مينيسترٸ مانسۇر وشىرباەۆتىڭ كەزدەسۋٸندە تالقىلاندى.
تاراپتار جاڭا باعدارلاما اياسىندا جايىق ٶزەنٸنٸڭ سۋ ساپاسىنا قاتىستى مەلٸمەتتەرمەن تۇراقتى تٷردە الماسۋدى, سۋ تازارتۋ نىساندارىن سالۋ جەنە قولدانىستاعىلارىن جاڭعىرتۋدى, سونداي-اق ٶزەننٸڭ ەكوجٷيەسٸن ساقتاۋ باعىتىنداعى ىنتىماقتاستىقتى كٷشەيتۋدٸ كٶزدەپ وتىر.
كەزدەسۋ قورىتىندىسىندا ەكٸ ەل ٶكٸلدەرٸ وسى باعىتتاعى جۇمىستى جالعاستىرىپ, الداعى ۋاقىتتا دا تۇراقتى كونسۋلتاتسييالار ٶتكٸزەتٸنٸن جەتكٸزدٸ.
ايتا كەتەيٸك, سوڭعى جىلدارى جايىق ٶزەنٸندە سۋ دەڭگەيٸنٸڭ تٶمەندەۋٸ, سۋدىڭ لاستانۋى جەنە بالىق قورىنىڭ ازايۋى قازاقستان مەن رەسەي ٷشٸن ٶزەكتٸ ەكولوگييالىق مەسەلەگە اينالدى. وسىعان بايلانىستى ٶزەننٸڭ تابيعي تەپە-تەڭدٸگٸن قالپىنا كەلتٸرۋ ەكٸ مەملەكەتتٸڭ بٸرلەسكەن ٸس-قيمىلىن قاجەت ەتەدٸ.
