Resei men Qazaqstan Jaiyq ózeniniń ekojúiesin qalpyna keltirýge baǵyttalǵan 2027–2032 jyldarǵa arnalǵan bes jyldyq birlesken baǵdarlamany ázirleýdi josparlap otyr, dep habarlaidy dalanews.kz.
Bul bastama Resei tabiǵi resýrstar jáne ekologiia ministriniń orynbasary Dmitrii Tetenkin men Qazaqstan Ekologiia jáne tabiǵi resýrstar vitse-ministri Mansur Oshyrbaevtyń kezdesýinde talqylandy.
Taraptar jańa baǵdarlama aiasynda Jaiyq ózeniniń sý sapasyna qatysty málimettermen turaqty túrde almasýdy, sý tazartý nysandaryn salý jáne qoldanystaǵylaryn jańǵyrtýdy, sondai-aq ózenniń ekojúiesin saqtaý baǵytyndaǵy yntymaqtastyqty kúsheitýdi kózdep otyr.
Kezdesý qorytyndysynda eki el ókilderi osy baǵyttaǵy jumysty jalǵastyryp, aldaǵy ýaqytta da turaqty konsýltatsiialar ótkizetinin jetkizdi.
Aita keteiik, sońǵy jyldary Jaiyq ózeninde sý deńgeiiniń tómendeýi, sýdyń lastanýy jáne balyq qorynyń azaiýy Qazaqstan men Resei úshin ózekti ekologiialyq máselege ainaldy. Osyǵan bailanysty ózenniń tabiǵi tepe-teńdigin qalpyna keltirý eki memlekettiń birlesken is-qimylyn qajet etedi.
