سوت ٷكٸمٸن تٷسٸندٸرگەن سۋديا زارەما حاميدۋللينا سۇلتان سەرسەمەليەۆتٸڭ ناۋرىزدى قاجەتتٸ قورعانىس جاعدايىندا, ال قالعان جەبٸرلەنۋشٸلەردٸ "ٶز ەرەكەتٸن تٷسٸنبەي" ٶلتٸرگەنٸ تۋرالى ۋەجدەرٸ دەلەلدەنبەگەنٸن مەلٸمدەدٸ. سونداي-اق سوت قورعاۋشى تاراپتىڭ ايىپتالۋشى قىلمىس كەزٸندە اففەكت جاعدايىندا بولدى دەگەن پٸكٸرٸن قابىلدامادى, دەپ حابارلايدى "اق جايىق" باسىلىمى.
سۋديانىڭ ايتۋىنشا, جەبٸرلەنۋشٸگە كەمٸندە ون رەت پىشاق جاراقاتى سالىنعان جاعدايدا قاجەتتٸ قورعانىس تۋرالى سٶز قوزعاۋ مٷمكٸن ەمەس. ال مەيٸتتٸ كەيٸن جاسىرۋ ەرەكەتٸ قىلمىستىڭ ماقساتتى تٷردە جاسالعانىن كٶرسەتەدٸ.
سوت تٶراعاسى ناۋرىزدىڭ دەنەسٸ كٸسٸ ٶلتٸرۋدەن كەيٸن ون ايدان استام ۋاقىت ٶتكەن سوڭ تابىلعانىن تٷسٸندٸردٸ. مەيٸت قاتتى شٸرٸپ كەتكەندٸكتەن, ساراپشىلار تەرٸنٸڭ ساقتالعان بٶلٸكتەرٸنەن ون پىشاق جاراقاتىن عانا انىقتاي العان. الايدا ساراپتاما قورىتىندىسىنا سەيكەس, جاراقات سانى بۇدان ەلدەقايدا كٶپ بولۋى مٷمكٸن.
سونىمەن قاتار قازا تاپقان تٶرت ادامنىڭ دا ٶلٸمگە ەكەلگەن پىشاق جاراقاتتارى جٷرەك تۇسىنا سالىنعان. ماقسوتتىڭ, نەسٸپتٸڭ جەنە مەيرامگٷلدٸڭ قولدارى مەن بٸلەكتەرٸنەن دە جاراقاتتار تابىلعان. سوتتىڭ قورىتىندىسى بويىنشا, بۇل ولاردىڭ شابۋىلداۋشىدان قورعانۋعا تىرىسقانىن بٸلدٸرەدٸ.
سوت پسيحولوگييالىق-پسيحياترييالىق ساراپتاما نەتيجەلەرٸنە سٷيەندٸ. قورىتىندىعا سەيكەس, سەرسەمەليەۆتٸڭ اقىل-ەسٸ دۇرىس, پسيحيكالىق اۋرۋمەن اۋىرمايدى جەنە قىلمىس جاساعان كەزدە فيزيولوگييالىق تا, پاتولوگييالىق تا اففەكت جاعدايىندا بولماعان.
سۋديا فيزيولوگييالىق اففەكتٸنٸڭ قىسقا مەرزٸمدٸ كٷي ەكەنٸن, ال سوتتالۋشىنىڭ ەرەكەتتەرٸ بٸرنەشە ايعا سوزىلىپ, بٸرٸزدٸ تٷردە جاسالعانىن اتاپ ٶتتٸ.
ونىڭ ايتۋىنشا, سەرسەمەليەۆ قىلمىستارعا الدىن الا دايىندالىپ, ەر ەرەكەتٸن سانالى تٷردە جاساعان. كٸسٸ ٶلتٸرۋگە بۇرىنعى ەيەلٸنٸڭ تۋىستارىمەن اراداعى جانجال سەبەپ بولعان.
"بالالارىن ويلاعان ەكە ولاردى جەتٸم قالدىرماس ەدٸ"
ايىپتالۋشىعا قاراتا سٶيلەگەن سۋديا, ەگەر ول جاقسى كٷيەۋ ەرٸ جاقسى كٷيەۋ بالا بولعاندا, ەيەلٸنٸڭ اتا-اناسى قىزىن ٶز ٷيلەرٸنە الىپ كەتۋگە تىرىسپاس ەدٸ دەپ مەلٸمدەدٸ.
"سٸز ناۋرىزدى قاساقانا ٶلتٸردٸڭٸز. ال العاشقى قىلمىسىڭىز ەشكەرەلەنٸپ قالادى دەپ قورقىپ, وتباسىنىڭ باسقا مٷشەلەرٸن دە ٶمٸردەن ايىردىڭىز. سٸز كٸنەسٸز ادامداردى ٶلتٸردٸڭٸز", – دەدٸ زارەما حاميدۋللينا.
سۋديا سوت پروتسەسٸ بارىسىندا سەرسەمەليەۆ جەبٸرلەنۋشٸلەردٸڭ قانداي سٶزٸ نەمەسە ەرەكەتٸ مۇنداي قاتىگەز قىلمىستى اقتاي الاتىنىن تٷسٸندٸرە الماعانىن اتاپ ٶتتٸ.
ايىپتالۋشى قىلمىستاردى بالالارى ٷشٸن جاساعانىن مەلٸمدەگەن. الايدا سوت بۇل ۋەجدٸ نەگٸزسٸز دەپ تانىدى.
"بالالارىن شىن مەنٸندە ويلايتىن ەكە ولاردى ەشقاشان اتا-اناسىز قالدىرماس ەدٸ. ول بالالارىنىڭ اناسىن اۋىر پسيحيكالىق دەرتپەن جالعىز قالدىرىپ, ولاردىڭ بولاشاعىن ٶز قولىمەن ويرانداماس ەدٸ", – دەدٸ سۋديا.
ونىڭ ايتۋىنشا, قازٸر بالالار اتا-اناسىنىڭ جانىندا ەمەس, مەملەكەتتٸڭ قامقورلىعىندا جٷر. ولارعا ويىنشىق پەن تەتتٸ ەمەس, ٶزدەرٸ ايىرىلىپ قالعان اتا-انالىق ماحاببات پەن قامقورلىق قاجەت.
سۋديا بۇرىنعى ەيەلٸنٸڭ اتا-اناسى سوتتالۋشى ٷشٸن ٶزٸنٸڭ ەكە-شەشەسٸندەي جاقىن ادامدار بولۋى كەرەك ەكەنٸن دە ەسكە سالدى.
"سٸز ولاردى ٶز قولىڭىزبەن ٶلتٸردٸڭٸز. دەنەلەرٸن تيٸستٸ تٷردە جەرلەمەي, شۇڭقىرعا تاستادىڭىز. ناۋرىزدىڭ دەنەسٸ ٷيدٸڭ ماڭىندا جاتقانىن بٸلە تۇرا, سول جەردە ەش الاڭسىز ٶمٸر سٷرە بەردٸڭٸز. كەيٸن مەيرامگٷلدٸ ٶلتٸرٸپ, شۇڭقىردى قايتا قازىپ, ونىڭ دەنەسٸن ناۋرىزدىڭ ٷستٸنە كٶمدٸڭٸز. مۇنداي ەرەكەتتەردٸ ادامگەرشٸلٸك نەمەسە مورالدىق تۇرعىدان ەش اقتاۋعا بولمايدى", – دەدٸ سۋديا.
ول سوت تالقىلاۋى كەزٸندە قازا بولعانداردىڭ دەنەلەرٸن ەكسگۋماتسييالاۋ بارىسى تٷسٸرٸلگەن ۆيدەولار زەرتتەلگەنٸن ايتتى. بەينەجازبالار مەيٸتتەردٸڭ قانشالىقتى قاتتى شٸرٸگەنٸن انىق كٶرسەتكەن.
"ال ناۋرىز بەن مەيرامگٷل قانداي ٶمٸر سٷرٸپ ٷلگەردٸ?"
سۋديا سوت پروتسەسٸندە جەبٸرلەنۋشٸلەردٸ جاعىمسىز جاعىنان كٶرسەتۋگە جەنە بولعان جاعدايعا ولاردى كٸنەلٸ ەتٸپ شىعارۋعا تىرىسقان سەرسەمەليەۆتٸڭ اناسى مەن ەپكەسٸنٸڭ جاۋاپتارىنا دا جەكە توقتالدى.
ونىڭ ايتۋىنشا, مارقۇمدار ەندٸ ٶزدەرٸن قورعاي المايدى. ال سوتقا ۇسىنىلعان دەلەلدەردٸڭ ەشقايسىسى ولاردىڭ اتىنا ايتىلعان ايىپتاۋلاردى راستاماعان.
ايىپتالۋشىنىڭ اناسىنىڭ "بالام ٶمٸردە قىزىق كٶرمەدٸ" دەگەن سٶزٸنە سۋديا: "ال ناۋرىز بەن مەيرامگٷل قانداي ٶمٸر سٷرٸپ ٷلگەردٸ?" – دەپ جاۋاپ قايتاردى.
سۋديا ەكٸ جەبٸرلەنۋشٸنٸڭ دە بالا كەزٸنەن مٷگەدەكتٸكپەن ٶمٸر سٷرگەنٸن, تاعدىرلارىنىڭ قايعىلى اياقتالعانىن اتاپ ٶتتٸ. ولار ەندٸ ەشقاشان ارماندارىن جٷزەگە اسىرا المايدى, وتباسىن قۇرىپ, ۇرپاق سٷيە المايدى.
سوت ايىپتالۋشىنىڭ ٶمٸر بويى بەس بالاسىن تەربيەلەپ, ناۋقاس ەيەلٸنە كٷتٸم جاساعانى تۋرالى ۋەجدٸ دە قابىلدامادى.
سۋديانىڭ ايتۋىنشا, ٶز بالالارى مەن جۇبايىنا قامقورلىق جاساۋ – ەرلٸك نەمەسە جازانى جەڭٸلدەتەتٸن جاعداي ەمەس, ەربٸر اتا-انانىڭ تابيعي مٸندەتٸ.
ٷكٸمدٸ تٷسٸندٸرۋدٸ قورىتىندىلاعان زارەما حاميدۋللينا سەرسەمەليەۆتٸڭ ەرەكەتتەرٸ بٸر ادامنىڭ عانا ەمەس, تۇتاس بٸر وتباسىنىڭ تاعدىرىن تالقانداپ, مارقۇمداردىڭ تۋىستارىنا عانا ەمەس, بٷكٸل قوعامعا اۋىر قاسٸرەت ەكەلگەنٸن ايتتى.
"وتباسىلىق جاعداي قانشالىقتى كٷردەلٸ بولسا دا, وتباسىن ساقتاپ قالۋعا سابىر, جاۋاپكەرشٸلٸك, ٶزارا قۇرمەت پەن كەشٸرە بٸلۋ كٶمەكتەسەدٸ. اشۋ مەن ٶشپەندٸلٸك ەشقاشان مەسەلەنٸ شەشپەيدٸ. ولار ورنى تولماس قايعىعا عانا الىپ كەلەدٸ", – دەپ قورىتىندىلادى سۋديا.
