[caption id="attachment_15576" align="alignleft" width="183"]
– «قارالى سۇلۋدى» دراماتۋرگيياعا اينالدىرۋ ۇسىنىسى رەجيسسەر بولات اتاباەۆتان تٷستٸ. م.ەۋەزوۆتٸڭ 100 جىلدىق مەرەيتويىنا بايلانىستى گەرمانييا ەلٸنەن وسى پەسانى قويۋعا شاقىرتۋ تٷسكەنٸن ايتتى. ول كەزدە «مەڭگٸلٸك بالا بەينەنٸ» جۇرت جاقسى قابىلداپ, اسپانداتىپ جاتقان كەز بولاتىن. سول قارقىنمەن «قارالى سۇلۋدى» دا تەزدەتٸپ پەساعا اينالدىرىپ بەرۋٸمدٸ ٶتٸندٸ. العاشقىدا قيىن بولعانى راس.
«قارالى سۇلۋ» – كلاسسيكالىق ەڭگٸمە, كٶلەمٸ ون بەتتەن اسپايدى. دراماتۋرگيياعا اينالدىرۋ ٷشٸن سيۋجەتتٸ كٷردەلەندٸرۋ كەرەك بولدى. دەمەك, ونسىز دا كٷردەلٸ ەڭگٸمەنٸڭ شارىقتاۋ شەگٸن جاساۋ قاجەت ەدٸ. وقيعانى كونفليكتٸگە قۇرۋ كەرەك ەدٸ. ەڭگٸمەدەگٸ قىزمەتشٸ كەمپٸردٸ نەگٸزگە الا وتىرىپ قاراگٶزدٸڭ تراگەديياسى دا, يستەريكاسى دا شىقتى-اۋ, ەيتەۋٸر.
ول كەزدە بولات اتاباەۆتىڭ رەجيسسەر رەتٸندە قولتاڭباسى سىنالىپ, ونىڭ قويعان سپەكتاكلدەرٸن قابىلداي الماعاندار كٶپ بولاتىن. سەبەبٸ, تەاترداعى قالىپتاسىپ قالعان دەستٷردٸ بۇزىپ-جارىپ, قازاق رەجيسسۋراسىندا جاڭا كٶزقاراس قالىپتاستىرىپ, تەاتر ەلەمٸنە قۇبىلىس بولىپ ەنگەن بولات اتاباەۆتىڭ ەرەكشەلٸگٸ وقشاۋلانىپ كٶرٸنەتٸن. بولات ماعان: «دايىندال, تاياق جەيمٸز! بٷگٸن بٸزدٸ سىناۋعا تٸستەرٸن قايراپ, اكادەمييادان توپ قۇرىلىپ, ەۋەزوۆتانۋشىلار, عالىمدار كەلە جاتىر ەكەن», – دەدٸ. سودان شىنىندا دا ع.مٷسٸرەپوۆ اتىنداعى جاستار تەاترىنا عالىمدار, جۋرناليستەر, اقىن-جازۋشىلار, دەستٷرلٸ رەجيسسەرلار تايلى-تاياعىمەن قالماي جەتتٸ. قازاقشا ايتقاندا, ٶڭدەرٸ ٶرت سٶندٸرگەندەي.
1997 جىلى كٷزدە سپەكتاكلدٸ حالىق ەرەكشە قوشەمەتپەن قارسى الدى. شىنىندا دا رەجيسسەردٸڭ تاپقىرلىعى تەنتٸ ەتتٸ. ادۋىنداپ كەلگەن اعالارىمىز دا توسىلىپ, بٸراۋىزدان قۇتتىقتادى. «ەۋەزوۆتٸڭ شىعارماسىن قورلادى ما دەپ كەلٸپ ەدٸك, سەندەر ساحنالىق نۇسقاسى ارقىلى ەۋەزوۆتٸ ٶز دەڭگەيٸندە كٶتەرٸپسٸڭدەر, راقمەت» دەسٸپ كەتتٸ. سٶيتٸپ, ۇلى جازۋشىنىڭ ارۋاعى قولداپ, بٸر سويقاننان امان قالدىق. تەاتردان شىعىپ كەلە جاتقانىمدا جازۋشىنىڭ ۇلى مۇرات مۇحتارۇلى ەۋەزوۆ اعامىز كٷتٸپ تۇر ەكەن, قولىمدى الىپ, ريزاشىلىعىن ايتتى. سونداعى قۋانىشىمدى ايتساڭىز, وسىدان سوڭ بارىپ جٷرەك ورنىنا تٷسكەندەي بولدى.
– يبراھيم پايعامباردىڭ (ع.س.) اتىن ايتقاندا, ساررا دەگەن ەسٸمدٸ قاتار ەستيمٸز. وسى ەكٸ ەسٸمدٸ بايلانىستىراتىن تەك قانا ەرلٸ-زايىپتىلىق تاعدىرلاستىعى ەمەس, رۋح بيٸكتٸگٸ. ٶتە نەزٸك تە كٷردەلٸ تاقىرىپ. ال مۇنى دراماتۋرگيياعا اينالدىرۋ تولىمدى دٷنيەتانىمدى, اسقان شەبەرلٸكتٸ تالاپ ەتەرٸ سٶزسٸز. جۋىردا «قاللەكي» تەاترىندا سٸزدٸڭ جان دٷنيەڭٸزدٸ جارىپ شىققان «ساررا» پەساسى ساحنالانباق. سۋرەتكەر مۇقانوۆا «سارراعا» قالاي كەلدٸ?
–1991 جىلى قازاقستان تەۋەلسٸزدٸگٸن الىپ, قازاق قاۋىمى كٶنەنٸ جاڭعىرتىپ, ٶلٸنٸ تٸرٸلتٸپ, تٷلەۋ – جاڭعىرۋ دەۋٸرٸن باستان كەشكەنٸن بٸلەسٸڭ. ول كەزدە قالاماقى سۇراۋ دەگەن اتىمەن جوق. ەشكٸمنەن ەشتەڭە تالاپ ەتپەيسٸڭ, ەركٸمنٸڭ قولىنان نە كەلەدٸ, سونى جاساۋىمىز كەرەك دەپ قۇلشىندىق. تەۋەلسٸزدٸككە قول جەتكٸزگەننەن ارتىق باقىتتىڭ كەرەگٸ جوق ەدٸ بٸزگە. قالاماقىڭىز نە, ايلىق تا جوق. بٸراق, باقىتتى ەدٸك. الدىمىزدا ٷلكەن مۇرات, تاۋسىلماس باق, سارقىلماس دەۋلەت تۇرعانداي جومارت بولدىق. سەبەبٸن بٸلەسٸڭ, 1986 جىلدىڭ جەلتوقسانىن باستان ٶتكٸزگەن بۋىن – مەنٸڭ قاتارلاستارىم ەدٸ.
تەۋەلسٸزدٸكتٸڭ ارقاسىندا قۇران كەرٸمدٸ وقۋعا قول جەتكٸزدٸك. بۇرىن اتالارىمىز قۇراندى تىعىپ, جاسىرىپ ۇستايتىن. نەمەسە ٷيدٸڭ تٶرٸنە قاتيراعا سالىپ, بالا-شاعانىڭ قولى جەتپەيتٸندەي ەتٸپ, بيٸككە ٸلٸپ قوياتىن ەدٸ. ۇستاپ, اشىپ كٶرمەك تٷگٸلٸ, كٶپ قاراتقىزبايتىن. كيەلٸ, قول تيگٸزۋگە دە بولمايتىنىن بٸلگەنمەن, كٸتاپ ەكەنٸن بٸلمەي كەتتٸك.
تەۋەلسٸزدٸك العاندا حاليفا التاي اقساقالدىڭ قۇراننىڭ قازاقشا ماعىناسىمەن جارىققا شىققان كٸتابى قولىمىزعا تٷستٸ. ىنتىزار سەزٸممەن وقۋعا كٸرٸستٸم. كٶركەم ەدەبيەت سيياقتى شىعار دەپ ويلاسام كەرەك. وقيمىن, ميىم دا, سانام دا جەتپەيدٸ. مەن وقىعان كٸتاپتاردان كٷردەلٸ, تٷسٸنٸكسٸز بولىپ شىقتى. ەسٸرەسە پايعامبارلار زامانىندا تٷسكەن اياتتاردى, پايعامبارلاردىڭ تۇسىندا بولعان قاۋىمدى, حالىقتى ۇعۋ قيىن تيدٸ. مىسالى, لۇت پايعامباردىڭ زامانىندا زاۋالعا ۇشىراعان حالقىنا بايلانىستى تٷسكەن ايات. قۇران كەرٸمدٸ وقۋ ٷشٸن قانشاما تاريحي كٸتاپتاردى, تەپسٸرلەردٸ بٸلۋ كەرەك ەكەنٸن ۇقپايمىن عوي, ماقۇرىممىن.
وسىنداي جۇمباقتاردىڭ شەشۋٸن رابعۇزيدىڭ «قيسسا-سٷل-ەنبيييا-ي» كٸتابى قولىما تٷسكەندە تاپقانداي كٷي كەشتٸم.
1991 جىلى جازۋشىلار وداعىن مەملەكەت تاراپىنان قارجىلاندىرمايتىن بولىپ, قىسقارتۋ جٷردٸ. سول كەزدە مەن رابعۇزي بابامنىڭ كٸتابىن قۇشاقتاپ ەلگە كەتتٸم. كٷندٸز-تٷنٸ اۋىل اقساقالدارىن جيناپ الىپ, ەسكٸشە ساۋاتتى ادامدار, اراب سٶزدەرٸنٸڭ اۋدارماسى, ماعىناسى بار ەجەلگٸ تەپسٸرلەرٸ قولدارىندا ساقتالىپ كەلگەن ٷلكەندەردٸ كٶمەككە شاقىرىپ, اۋدارماعا كٸرٸستٸك.
رابعۇزيدىڭ «قيسسا-سٷل-ەنبيييا-ي» كٸتابى 9 جىلدان كەيٸن, 2000 جىلى «سانات» باسپاسىنان قازاق تٸلٸندە تۇڭعىش رەت كيريلليتسامەن كٸتاپ بولىپ جارىققا شىقتى.
كٸتاپتىڭ تٷپنۇسقاسىن موعول, شاعاتاي تٸلدەرٸنەن تەرجٸمالاعاندار: مەترجام داموللا, عابدٷلعۇلام حازٸرەتٸ مەن شاريفۋددين موللا.
[caption id="attachment_15578" align="alignright" width="234"]
«يسلام قازان» باسپاسىنا تاتار تٸلٸندەگٸ اۋدارماسىنا ۇزاق ۋاقىت تىيىم سالىنىپ, جارىققا شىقپاعان. بۇل عۇلامالاردىڭ باتىلدىعىنىڭ, قايراتكەرلٸگٸنٸڭ ارقاسىندا كٸتاپتىڭ جارىق كٶرۋٸنە پەتەربور تسەنزورى تاراپىنان 1903 جىلى 13 ماۋسىمدا رۇقسات بەرٸلگەن. سونان كەيٸن, توقسان جەتٸ جىلدان كەيٸن قازاق ەلٸنٸڭ تەۋەلسٸزدٸگٸنەن سوڭ جارىق كٶردٸ.
اۋدارۋ سەتٸندە كٶپتەگەن سيۋجەتتەرگە قالامگەر رەتٸندە قاتتى قىزىقتىم. سونىڭ ٸشٸندەگٸ يبراھيم (ع.س.)-نىڭ جۇبايى ساررانىڭ تاعدىرى ەرەكشە كٶرٸندٸ. پايعامبار ەيەلٸ, دارا ەيەل, اقىل-پاراساتى مول, قاسيەتتٸ ەيەلدٸڭ ٸشكٸ جان دٷنيەسٸنٸڭ دراماعا تولى بولۋى ميىمنىڭ بٸر نٷكتەسٸندە قالىپ قويدى. سول كەزدە-اق نە ەڭگٸمەگە, نە پەساعا ارقاۋ ەتپەك بولعانمىن. بٸراق ول كەزدە مەن 27 جاستا ەدٸم, ەيەل رەتٸندە دە, قالامگەر رەتٸندە دە, انا رەتٸندە دە تەجٸريبەم جەتكٸلٸكسٸز, دايىن ەمەس ەدٸم. ەرينە باسقا ەڭگٸمەلەرٸمدەي جازۋعا دا بولار ەدٸ, وندا بەلكٸم بٷگٸنگٸ «سارراداي» شىقپاس پا ەدٸ?! اسىعىس جازىلعان بولار ما ەدٸ. سونىمەن «ساررا» بٸراز ۋاقىت ٸشٸمدە دٶڭبەكشٸپ جاتىپ بٷگٸن عانا كٶرەرمەنگە جول تارتپاقشى.
– تورا كٸتابىندا وسى قاسيەتتٸ كٸتاپتارداعى يدەال كەيٸپكەرلەردٸڭ پەندەۋي ەرەكەتتەرٸنە كۋە بولامىز. ال, ساررانىڭ ٶمٸرٸن ٶنەرگە اينالدىرۋعا قانشا ۋاقىت كەتتٸ, قانداي دايىندىقپەن كەلدٸڭٸز. يبراھيم پايعامباردىڭ (ع.س.) جارى ساررامەن ەكەسٸ جاعىنان تۋىسقان بولىپ كەلەتٸنٸ راس پا?
– «مەڭگٸلٸك بالا بەينە», «قارالى سۇلۋ» ساحناعا شىققاننان كەيٸن قازاقستاننىڭ حالىق ەرتٸسٸ, بٸرتۋار تالانت يەسٸ فاريدا اپا شەرٸپوۆا: «روزا, سەنٸڭ «پاتشا قاتىن ۋ» دەگەن ەڭگٸمەڭدٸ وقىپ شىقتىم. ۋ-دىڭ وبرازىن مەندەي شىعاراتىن ادام تاپپايسىڭ. وسىنىڭ دراماتۋرگيياسىن تەزدەتٸپ جاساپ بەر, مەنٸڭ دە بٸر ارمانىم ەدٸ – قىتايدىڭ پاتشا قاتىنىن سومداۋ», – دەدٸ. راس, شەرٸپوۆانىڭ ول كەيٸپكەردٸ كەمەلٸنە كەلتٸرٸپ شىعاراتىنىنا كٷمەنٸم بولماعان. مەن قاراپ جٷرمەي مەملەكەتتٸك قىزمەتكە شاقىرىلدىم, كٷن كٶرۋٸمٸز قيىنداپ كەتتٸ. شىعارماشىلىققا قالاماقى تٶلەنبەيتٸن بولدى. بالالار – شاقالاق, سونىمەن اراعا ۋاقىت تٷسٸپ كەتتٸ. سٶيتٸپ جٷرگەندە فاريدا اپا دٷنيەدەن ٶتتٸ. اكتريسانىڭ اياۋلى ارمانىنىڭ ورىندالۋىنا جەردەم كٶرسەتە المادىم. وسى كٷنگە دەيٸنگٸ ٸشتە كەتكەن بٸر ٷلكەن ٶكٸنٸشٸم – وسى. بولات اتاباەۆتىڭ بٸر ايتقانى بار ەدٸ: «فاريدا اپاعا باردىم, ٷيٸن قاراڭعىلاپ تاستايدى ەكەن, ەشكٸممەن سٶيلەسكٸسٸ جوق, باسقاشا كٷيزەلٸسٸن كٶردٸم», – دەپ.
بٸلەسٸز بە, بەلكٸم بۇل ۇقساستىق شىعار, بٸراق «پاتشا قاتىن ۋ-دىڭ» سوڭعى ٶمٸرٸ وسىنداي تراگەدييامەن بٸتەتٸن. ٶيتكەنٸ, 50 جىل پاتشالىقتى بيلەگەن قاتىننىڭ قاپاعان حان باستاعان كٶشپەلٸ تٷرٸكتەردٸڭ الدىنداعى جەڭٸلٸس سەتٸندەگٸ كٷيٸ ەدٸ.
پارلامەنت سەناتىندا قىزمەتتە جٷرگەن كەزٸمدە قازاقستاننىڭ حالىق ەرتٸسٸ گٷلجان ەسپەتوۆا: «ماعان بٸر دٷنيە جاز! قاشانعى جٷرەدٸ دەيسٸڭ, بٸز دە قارتايىپ بارامىز», – دەمەسٸ بار ما. گٷلەكەڭە سول جولى ۋەدە بەردٸم, بٸراق ۋەدە 5 جىلدان كەيٸن ورىندالدى. «ساررانى» 70 جىلدىعىنا تارتۋ ەتتٸم. بۇل دا مەنٸڭ ٶنەر جولىندا جٷرگەن دارا قىزدارىمىزدىڭ الدىنداعى دراماتۋرگ رەتٸندەگٸ پارىزىم.
ساررا – ۇرپاق جالعاستىعى ٷشٸن ٶزٸنٸڭ اتاق-داڭقىن دا, ماحابباتىن دا قۇربان ەتكەن ەيەل. انانىڭ ميسسيياسى – سوڭىنا ۇلاعاتتى ۇرپاق قالدىرۋ. ەرٸنٸڭ, ول پاتشا بولا ما, دانا بولا ما, ەگٸنشٸ بولا ما, وعان ۇرپاق سىيلاۋ مٷمكٸندٸگٸ تەك اناعا بەرٸلگەن قۇزٸرەت. ەلٸن جاۋدان قورعايتىن, ەلٸنٸڭ ەرتەڭٸنە قىزمەت ەتەتٸن ۇرپاق قالدىرۋ اناعا – مٸندەت, پارىز. وسى قاعيدا جولىنداعى ساررانىڭ جان ازابى مەن ەيەلدٸك قىزعانىش ٶرتٸنە تٷسكەن ٸشكٸ دەرتٸن اشۋعا تىرىستىم. ول پايعامبار ەيەلٸ عوي, ٶزگەدەن ەرەك جارالعان. كٷشٸم جەتتٸ مە, جەتپەدٸ مە, ونى كٶرەرمەننٸڭ پاتشا كٶڭٸلٸنە قالدىردىم.
– «ساررا» تەاتر ارقىلى كٶرەرمەنگە نەنٸ ايتۋدى ماقسات ەتەدٸ? سٸز شىعارماشىلىققا كٸرٸسەردە تەكەن ەلٸمقۇلوۆتىڭ, ماعجان جۇماباەۆتىڭ, مۇقاعاليدىڭ شىعارمالارىن وقىپ كٷش الاتىنىڭىزدى بٸلەمٸز. ال, ميستەرييا ماشاقاتىنا تٷسەردە رۋحتى قايدان الدىڭىز?
س.بالعاباەۆ: «بٸز دراماتۋرگييالىق شىعارمانى جازىپ قانا قويماي, ساحناعا شىعۋ جولىندا دا جۇمىس ٸستەۋٸمٸز كەرەك» دەيدٸ. ساررانى ساحنادا سٶيلەتۋ جولىندا رەجيسسەر, اكتەر, سۋرەتشٸلەرمەن جۇمىس جاسايسىز با?
– ساررا تازالىقتى ٸزدەيدٸ, ٸزگٸلٸك جولىندا قۇربان بولادى. يە, بويىنداعى ەيەلگە تەن پەندەشٸلٸگٸمەن ٶمٸر باقي كٷرەسەدٸ, سونىڭ ازابىن تارتادى, قاسٸرەتٸن شەگەدٸ. بٸراق يبراھيم پايعامباردى (ع.س.) سٷيەدٸ, اللاعا قالاي قۇلشىلىق ەتسە, ەرٸنە دەل سولاي قۇلشىلىق ەتەدٸ. ۇرپاقسىز ٶتٸپ بارا جاتقان يبراھيم پايعامبارعا (ع.س.) اجاردى ۇسىنادى, پايعامبار ۇرپاعىن جالعاستىرۋدى ەيەل قىزعانىشىنان, پەندەشٸلٸكتەن جوعارى قويادى. «سوقىردان – كٶرمەس, ساراڭنان – بەرمەس, پايعامباردان –پايعامبار تۋادى» دەپ, يبراھيم پايعامباردى (ع.س.) ۇرپاق سٷيۋگە ٶزٸ كٶندٸرەدٸ.
ٶزٸڭ ايتقان ماعجان, تەكەن, مۇقاعالي – جازۋعا جول اشادى. اباي عۇلاما – ويلانۋعا جول اشادى. ميستەرييا – اڭىز, قييال ەمەس. اڭىز – دٷنيەدەن ٶتكەندەر جايلى ەڭگٸمە. يەرۋسساليمگە بارىپ, يسا پايعامباردىڭ (ع.س.) تۋعان ٷيٸن كٶرگەندە, سەبي كەزٸندە شومىلدىرعان ىدىستى كٶرگەندە قازٸرگٸ ادام قانداي سەزٸمدە بولادى. نەمەسە ەل-اقساعا بارعاندا مۇحاممەد (ساللاللاھۋ-عالايەھي-ۋە-سەللەمنٸڭ) ميعراجعا كٶتەرٸلگەن تاسىن كٶرگەندە قييال ەمەس – اقيقات ەكەنٸن ۇعاسىڭ. ۇققانىڭ نە – جىلايسىڭ!
سۇلتانەلٸ ٶز ەرەكشەلٸگٸن ايتقان بولار. بٸراق ٶز باسىم ويلايمىن, دراماتۋرگتٸڭ جازعانىن رەجيسسەر تٷسٸنبەسە, سپەكتاكل شىقپايدى. دراماتۋرگتٸڭ جازعان كەيٸپكەرٸن رەجيسسەر كٶرەرمەنگە جەتكٸزە الۋى كەرەك. اۆتوردىڭ ايتقىسى كەلگەن ويىن كٶرەرمەن تٷسٸنبەسە, رەجيسسەر اۆتورمەن سواۆتور بولا الماي قالادى. سەتسٸزدٸككە ۇشىرايدى دەپ ويلايمىن. ەكەۋٸ تاندەم بولۋى شارت. دراماتۋرگ پەن رەجيسسەردٸڭ ويى, تەرەڭدٸگٸ, ينتەللەكتٸسٸ ۇقساس بولسا سپەكتاكل شىعادى. مىسالى, ا.پ. چەحوۆتىڭ پەسالارى كەيدە شىعادى, كەيدە شىقپاي جاتادى. ٶيتكەنٸ ا.پ.چەحوۆپەن سواۆتور بولا الاتىنداي رەجيسسەرلەر ٶتە از.
«ساررانى» ن. جانتٶرين اتىنداعى ماڭعىستاۋ وبلىستىق تەاترىنىڭ رەجيسسەرٸ گٷلسينا مەرعاليەۆانىڭ ساحنالاۋىندا كٶرەمٸز. مەنٸڭ شىعارماشىلىعىمداعى تۇڭعىش ەيەل رەجيسسەر. ال اكتەرلەر ٶزدەرٸ سومداعان وبرازدى جەرٸنە جەتكٸزە السا دەپ ارماندايمىن. ەزٸرگە جۇمباق!
– «سۋرەتكەردە ٶمٸربايان بولۋ كەرەك» دەپسٸز بٸر سۇحباتىڭىزدا. سٸزدٸ سۋرەتكەر قىلعان قانداي ٶمٸربايان?
– اۋىلدا ٶستٸم. اۋىل ادامدارىنىڭ تازالىعىن, ارمان-قييالىن, ادالدىعىن, ەڭبەكقورلىعىن كٶرٸپ ٶستٸم. دانا قارييالاردى, ەڭگٸمەنٸڭ مايىن تامىزىپ ايتاتىن اپالارىمدى كٶردٸم. ولاردىڭ ەڭگٸمەسٸ قازٸرگٸ تەاترلاردان كەم ەمەس ەدٸ. ٶزدەرٸ ايتىپ, ٶزدەرٸ ورىنداپ بەرەتٸن شەبەر بولاتىن. قازٸرگٸ ۇرپاق ول بۋىندى كٶرە المادى. كٶپ بٸلەتٸن, كەز-كەلگەن سٶزدٸڭ بالاماسىن ەمٸن-ەركٸن قولدانا سالاتىن, تاپقىر, شەشەن ەدٸ شەتتەرٸنەن. بٸر-بٸرٸن قايتالامايتىن, مٸنەزدەرٸ بٸر-بٸرٸنە ۇقسامايتىن. قازٸرگٸ ادامدار بٸر-بٸرٸنە ٶتە ۇقساس, شارشاتىپ جٸبەرەدٸ. جالپى, تابيعاتى ٶزگەشەلەۋ ادامدارمەن قارىم-قاتىناستا بولعاندى جاقسى كٶرەمٸن. دەرەۋ شابىتتانىپ, جازعىم كەلەدٸ. رۋح بەرەدٸ. بٸراق ولار ٶتە از.
– قازاق ۇلتتىق ٶنەر ۋنيۆەرسيتەتٸندە ۇستازدىق ەتٸپ كەلەسٸز. شەكٸرتتەرٸڭٸزدەن جاڭا بۋىن قالىپتاستىراتىن قارقىن بايقالا ما?
– ٸشتەي ٷكٸلەپ جٷرگەندەرٸم بار, بٸراق ٶزدەرٸ بٸلمەيدٸ.
مەنەن العانى ازدىق ەتەدٸ, ٶمٸربايانداعى تەجٸريبە دە كەرەك. ولار العاشقىدا قورقىنىشپەن كٶپ ۋاقىت ٶتكٸزەدٸ. سوسىن قىزىعا باستايدى. قىزىققان دٷنيەسٸن تەزدەتٸپ شىعارۋعا قۇنىعا باستايدى. جازۋدان لەززات العاندا عانا مامان بولادى.
– قازاق دراماتۋرگيياسىنىڭ قازٸرگٸ جاي-كٷيٸنە قانداي باعا بەرەر ەدٸڭٸز?
– سەن تەاتردىڭ ەدەبي بٶلٸمٸندە جۇمىس ٸستەيسٸڭ. ساعان بەلگٸلٸ بولار, قورجىنىڭا تٷسٸپ جاتقان پەسالاردى وقىپ وتىراسىڭ عوي.
قوعامدا قىزىق بٸر ەرەكەتتەر پايدا بولدى. بۇرىن پەسا جازىپ كٶرمەگەندەر, تەاتر ديرەكتورى بولا سالا پەسا جازادى. قانشا قالاماقى السا دا ٶزٸ بٸلەدٸ. نەمەسە دەپۋتات بولا سالىپ, پەسا جازادى دا, تەاترعا قويعىزادى. قولدارىندا بيلٸك بار عوي... مەنٸڭشە, ەركٸم ٶزٸنٸڭ قولىنان كەلەتٸن شارۋامەن اينالىسۋ كەرەك-اق! بٸزدە وڭاي ولجا تاپقىسى كەلەتٸن جاعىمسىز مٸنەز بار.
– جازۋشى بولامىن, دراماتۋرگ بولامىن دەپ جٷرگەن جاستارعا قانداي كەڭەس بەرەسٸز?
– رەتسەپتٸسٸ جوق قوي. مەن جازۋشى-دراماتۋرگ بولامىن دەپ ويلاعان جوقپىن. بٸراق بالا كەزٸمنەن جازۋمەن ماشىقتاندىم. ەكەمە قىزىعاتىنمىن. ەكەم جازۋشى ەدٸ. جازعان دٷنيەسٸن ەرٸنبەي, جالىقپاي ماعان وقيتىن. ٶزٸنە قاتتى ۇناعان شىعارمالاردى مٸندەتتٸ تٷردە وقىتاتىن.
– ساليقالى سۇحباتىڭىزعا راقمەت!
سۇحباتتاسقان ميراس ەبٸل,
قاليبەك قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق دراما تەاترى ەدەبيەت بٶلٸمٸنٸڭ مەڭگەرۋشٸسٸ
