ل. ن. گۋميليەۆا اتىنداعى ەۋرازيا ۇلتتىق ۋنيۆەرسيتەتىندە رەسپۋبليكا كۇنىن مەرەكەلەۋ اياسىندا يتاليانىڭ مەملەكەتتىك ناگراداسى - يتاليا جۇلدىزى وردەنىن (ەنDINE della Stella d ' Italia) ەۇۋ پرورەكتورى دۋمان ايتماعامبەتوۆكە تاپسىرۋ ءراسىمى ءوتتى. جوعارى ماراپاتتى يتاليا رەسپۋبليكاسىنىڭ پرەزيدەنتى اتىنان قازاقستانداعى يتاليا ەلشىسى، مىرزا انتونەللو دە ريۋ تابىستادى، دەپ حابارلايدى Dalanews.kz.
بۇل وردەن يتاليا پرەزيدەنتىنىڭ باستاماسىمەن تاعايىندالعان جانە ول يتاليا مەن باسقا ەلدەر اراسىنداعى دوستىق پەن ىنتىماقتاستىقتى نىعايتۋداعى ەرەكشە ەڭبەگى ءۇشىن، سونداي-اق مادەني، عىلىمي، ەكونوميكالىق جانە ءبىلىم بەرۋ بايلانىستارىن دامىتۋعا قوسقان ۇلەسى ءۇشىن بەرىلەدى.
اتالعان ماراپات يتاليانىڭ حالىقارالىق بەدەلىن ارتتىرۋعا جانە حالىقارالىق ىنتىماقتاستىقتى دامىتۋعا ەلەۋلى ۇلەس قوسقان تۇلعالارعا تاپسىرىلادى.
بۇل مارتەبەلى ناگرادانى الۋ - ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى مەن يتاليانىڭ ءبىلىم جانە عىلىم ينستيتۋتتارى اراسىنداعى ارىپتەستىك قاتىناستاردى دامىتۋعا، سونداي-اق قازاقستان مەن يتاليا اراسىنداعى بايلانىستاردى نىعايتۋعا قوسقان جەكە ۇلەستىڭ مويىندالۋى بولىپ تابىلادى.
ايتا كەتسەك، ەۇۋ-دىڭ يتاليالىق ۋنيۆەرسيتەتتەرمەن جانە كومپانيالارمەن ىنتىماقتاستىعى جوعارى دەڭگەيدە جۇزەگە اسىرىلىپ كەلەدى. ۋنيۆەرسيتەت ترەنتو، سالەرنو، گەنۋيا، ميلانو-بيكوككا، ميلان، سيەنا شەتەلدىكتەر ۋنيۆەرسيتەتى، كاتانيا، تۋرين پوليتەحنيكالىق ۋنيۆەرسيتەتى، گابريەلە د’اننۋنسيو ۋنيۆەرسيتەتتەرىمەن اكادەميالىق ۇتقىرلىق، قوس ديپلوم باعدارلامالارى، تاعىلىمدامالار، پروفەسسورلارمەن الماسۋ، بىرلەسكەن عىلىمي جوبالار جانە باسقا دا باعىتتار بويىنشا تىعىز بايلانىس ورناتقان.
ەۇۋ سونداي-اق Silkway ۋنيۆەرسيتەتتەر كونسورسيۋمىنىڭ مۇشەسى بولىپ تابىلادى، ونىڭ اياسىندا يتاليالىق جوعارى وقۋ ورىندارىمەن بىرلەسكەن ءتۇرلى عىلىمي جانە ءبىلىم بەرۋ جوبالارى جۇزەگە اسىرىلۋدا.
2019 جىلدان باستاپ يتاليا ەلشىلىگى، ەۇۋ جانە Eni كومپانياسى اراسىنداعى مەموراندۋم نەگىزىندە ۋنيۆەرسيتەتتە ەنريكو ماتتەي اتىنداعى يتاليا مادەني ورتالىعى جۇمىس ىستەيدى. قازىرگى تاڭدا ورتالىقتا يتاليان ءتىلى كۋرستارى جۇرگىزىلۋدە.
بىرلەسكەن جوبالاردىڭ ىشىندە ەرەكشە اتاپ وتەرلىگى — ميلانو-بيكوككا ۋنيۆەرسيتەتىمەن بىرلەسكەن «Green Energy Management» (جاسىل ەنەرگەتيكانى باسقارۋ) اتتى جىل سايىنعى جازعى مەكتەپ. بۇل مەكتەپ ورتالىق ازيا ايماعى مەن وزگە دە وڭىرلەردىڭ ساراپشىلارى مەن جاس عالىمدارىنىڭ وزەكتى ماسەلەلەردى تالقىلايتىن ءداستۇرلى الاڭىنا اينالدى.
اتالعان جوبا Eni كومپانياسىمەن ىنتىماقتاستىقتى نىعايتۋعا، Eni ECU كورپوراتيۆتىك ۋنيۆەرسيتەتىمەن بىرلەسىپ «GREEN ENERGY TECHNOLOGIES» اتتى جاڭا ماگيستراتۋرا باعدارلاماسىن ەنگىزۋگە، پادۋا جانە تۋرين پوليتەحنيكالىق ۋنيۆەرسيتەتتەرىمەن سەرىكتەستىك ورناتۋعا، سونداي-اق ۋنيۆەرسيتەت قىزمەتىندە جانە مادەنيەتىندە تۇراقتى دامۋ كۇن ءتارتىبىن ىلگەرىلەتەتىن «جاسىل كەڭسە» جوباسىن ىسكە قوسۋعا ىقپال ەتتى.
2024 جىلدان باستاپ جازعى مەكتەپ ورتالىق ازيانىڭ ءارتۇرلى ەلدەرىندە وتكىزىلە باستادى (2017–2023 جىلدارى - قازاقستاندا، 2024 جىلى - قىرعىزستاندا، 2025 جىلى - وزبەكستاندا).
