اقش رەسەيدٸڭ مۇناي كومپانييالارىنا قارسى سانكتسييا ەنگٸزدٸ. سالدارىنان مۇناي باعاسى قىمباتتادى, دەپ حابارلايدى Dalanews.kz.
اقش رەسەيدٸڭ ەڭ ٸرٸ مۇناي كومپانييالارىنا قارسى جاڭا سانكتسييالار ەنگٸزٸپ, مەسكەۋدٸ ۋكرايناداعى سوعىستى توقتاتۋعا نيەت تانىتپادى دەپ ايىپتادى. بۇل شەشٸم رەسەيدٸڭ يادرولىق قارۋدى پايدالانۋ جٶنٸندەگٸ ٸرٸ ەسكەري وقۋ-جاتتىعۋلارىنان كەيٸن قابىلداندى.
سانكتسييالار جەنە ولاردىڭ ماقساتى
اقش قارجى مينيسترلٸگٸ «روسنەفت» پەن «لۋكويل» كومپانييالارى جاڭا شەكتەۋلەر تٸزٸمٸنە ەنگەنٸن مەلٸمدەدٸ. ماقسات – مەسكەۋدٸڭ ەسكەري ٸس-قيمىلدارىن قارجىلاندىرۋ قابٸلەتٸن ەلسٸرەتۋ.
سونىمەن قاتار, ەۋروپالىق وداق تا رەسەيگە قارسى 19-پاكەت سانكتسييانى بەكٸتتٸ. بۇل شارالاردىڭ ٸشٸندە رەسەيلٸك سۇيىتىلعان تابيعي گازدى يمپورتتاۋعا تىيىم سالۋ دا بار ەكەنٸن ەو تٶراعالىق ەتۋشٸ ەل دانييا حابارلادى.
ۆاشينگتون ساياساتىنىڭ باعىتى ٶزگەردٸ
Reuters مەلٸمەتٸنشە, بۇل شەشٸم اق ٷي ساياساتىنىڭ ايقىن ٶزگەرٸسٸن كٶرسەتتٸ. بۇعان دەيٸن اقش مەسكەۋگە قىسىم جاساۋ مەن بەيبٸت كەلٸسٸمگە كەلۋ اراسىنداعى تەپە-تەڭدٸكتٸ ساقتاۋعا تىرىسىپ كەلگەن.
ٶتكەن اپتادا دونالد ترامپ مەسكەۋگە قارسى جاڭا شارالاردان نەتيجە كٷتپەي, ولاردى كەيٸنگە قالدىرعانىن ايتقان ەدٸ.
«قازٸر قانتٶگٸستٸ توقتاتىپ, اتىستى دەرەۋ دوعاراتىن ۋاقىتى كەلدٸ», – دەدٸ اقش قارجى مينيسترٸ سكوتت بەسسەنت.
مينيستردٸڭ بۇل مەلٸمدەمەسٸنەن كەيٸن مۇناي باعاسى باررەلٸنە 2 دوللاردان استامعا ٶستٸ.
ترامپتىڭ ۇستانىمى
بٸرنەشە اي بويى ترامپ اقش كونگرەسٸنٸڭ ەنەرگەتيكالىق سانكتسييا ەنگٸزۋ جٶنٸندەگٸ قىسىمىنا قارسى بولعان. ول پۋتين سوعىستى توقتاتادى دەپ ٷمٸتتەنگەن ەدٸ.
سونىمەن قاتار, ترامپ ۋكرايناعا ۇزاق قاشىقتىقتاعى “توماگاۆك” زىمىراندارىن بەرۋگە دايىن ەمەس ەكەنٸن ايتتى. ناتو باس حاتشىسى مارك ريۋتتەمەن كەزدەسۋدە ول ۋكراينالىقتارعا بۇل قارۋدى مەڭگەرۋ ٷشٸن كەم دەگەندە التى اي قاجەت بولاتىنىن اتاپ ٶتتٸ.
فەيك اقپاراتقا جاۋاپ
ترامپ The Wall Street Journal-دىڭ «اقش ۋكرايناعا ۇزاق قاشىقتىقتاعى زىمىرانداردى پايدالانۋعا رۇقسات بەردٸ» دەگەن اقپاراتىن جالعان دەپ اتادى.
«ولار بٸزدٸڭ زىمىراندارىمىزدى قولدانبايدى. مەنٸڭ ويىمشا, ولار ەۋروپالىق زىمىرانداردى پايدالانىپ جاتىر. بۇل مەن باقىلايتىن نەرسە ەمەس, بٸراق بٸزدٸڭ قارۋلاردى قولدانۋعا رۇقسات جوق. بۇل – جالعان اقپارات», – دەدٸ ترامپ.
سي تسزينپينگە ٷندەۋ
كەلەسٸ اپتادا وڭتٷستٸك كورەيادا ٶتەتٸن كەزدەسۋدە ترامپ قىتاي تٶراعاسى سي تسزينپينگە پۋتينگە ىقپال ەتٸپ, سوعىستى توقتاتۋعا كٶمەكتەسۋ جٶنٸندە ٶتٸنٸش بٸلدٸرمەك.
سي تسزينپين مەن پۋتين سوڭعى جىلدارى ەكٸ ەل اراسىنداعى ستراتەگييالىق اليانستى نىعايتىپ كەلەدٸ.
ەسكە سالايىق, بۇعان دەيٸن اقش پرەزيدەنتٸ دونالد ترامپ رەسەي پرەزيدەنتٸ ۆلاديمير پۋتينمەن بۋداپەشتتە ٶتەدٸ دەپ جوسپارلانعان كەزدەسۋدٸ ٶتكٸزبەيتٸنٸن مەلٸمدەگەنٸن حابارلاعان ەدٸك.
