رەسەي بيلٸگٸ دٷنيەجٷزٸلٸك دەنساۋلىق ساقتاۋ ۇيىمىنا (ددسۇ) يركۋتسك قالاسىندا وبا اۋرۋىنىڭ بٸردە-بٸر جاعدايى انىقتالماعانىن حابارلادى. مارقۇممەن بايلانىستا بولعان ادامداردىڭ كٶپشٸلٸگٸ كارانتيننەن شىعارىلىپ, ٷيلەرٸنە قايتارىلعان. ۇيىم ەزٸرگە ينفەكتسييانىڭ تارالۋ بەلگٸلەرٸن بايقاماعان جەنە رەسەيدەگٸ ەپيدەميولوگييالىق تەۋەكەل دەڭگەيٸن تٶمەن دەپ باعالاپ وتىر, دەپ حابارلايدى dalanews.kz.
بۇل تۋرالى Reuters اگەنتتٸگٸ حابارلادى. 6 قازاندا جەنەۆادا ٶتكەن بريفينگتە ددسۇ ٶكٸلٸ كريستيان ليندمايەر رەسەي تاراپىنان بەرٸلگەن رەسمي اقپاراتتى جارييا ەتتٸ.
«رەسەي فەدەراتسيياسىنىڭ يركۋتسك قالاسىندا بۇل قاۋٸپتٸ اۋرۋدىڭ بٸردە-بٸر جاعدايى تٸركەلگەن جوق», – دەلٸنگەن حابارلامادا.
ونىڭ ايتۋىنشا, قايتىس بولعان ەيەلمەن بايلانىستا بولعان ادامداردىڭ بارلىعى انىقتالىپ, دەرٸگەرلەردٸڭ باقىلاۋىنا الىنعان. قازٸرگٸ ۋاقىتتا ولاردىڭ ەشقايسىسىنان اۋرۋ بەلگٸلەرٸ بايقالماعان. ددسۇ باعالاۋىنشا, يركۋتسك قالاسىنداعى ەپيدەميولوگييالىق قاۋٸپ دەڭگەيٸ – «ورتاشادان تٶمەنگە دەيٸن», رەسەيدٸڭ باسقا ٶڭٸرلەرٸ ٷشٸن – «تٶمەن», ال ەۋروپا اۋماعى ٷشٸن – «ٶتە تٶمەن».
روسپوترەبنادزور نە دەيدٸ?
رەسەيدٸڭ سانيتارلىق قىزمەتٸ – روسپوترەبنادزور دا سوڭعى ون كٷن ٸشٸندە وباعا قارسى عىلىمي-زەرتتەۋ ينستيتۋتىنىڭ قىزمەتكەرلەرٸ اراسىندا جۇقپالى اۋرۋ جاعدايلارى تٸركەلمەگەنٸن مەلٸمدەدٸ. ۆەدومستۆونىڭ حابارلاۋىنشا, قايتىس بولعان ەيەلدٸڭ اعزاسىنا جٷرگٸزٸلگەن قوسىمشا زەرتتەۋلەر ونىڭ كەسٸبي قىزمەتٸنە بايلانىستى قاۋٸپتٸ ميكروورگانيزمدەردٸڭ بولماعانىن كٶرسەتكەن.
مارقۇممەن بايلانىستا بولعان ادامدار مەديتسينالىق باقىلاۋعا الىنىپ, كٷن سايىن زەرتحانالىق تەكسەرۋدەن ٶتكەن. زەرتتەۋ نەتيجەسٸندە ەكٸ ادامنان COVID-19, تاعى ەكٸ ادامنان رينوۆيرۋستىق ينفەكتسييا انىقتالعان. روسپوترەبنادزوردىڭ مەلٸمەتٸنشە, باسقا جۇقپالى اۋرۋلاردىڭ قوزدىرعىشتارى تابىلعان جوق.
