باسقوسۋعا قاراعاندى وبلىسى، نۇر-سۇلتان، الماتى قالالارى ءماسليحاتتارىنىڭ دەپۋتاتتارى، قوعامدىق شتابتارىنىڭ مۇشەلەرى دە قاتىستى.
– ءبىزدىڭ شتاب ءماسليحات دەپۋتاتتارىنىڭ باستاماسىمەن قۇرىلعان. مۇشەلەرىمىز جەر-جەردە ءتۇرلى توپتارعا ۇگىت-ناسيحات جۇرگىزىپ كەلەدى. بۇعان دەيىن ەلدىڭ وڭتۇستىك، سولتۇستىك، باتىس وڭىرىندە جۇرتپەن وسىنداي كوشپەلى كەزدەسۋلەر وتكىزىپ، كونستيتۋسيالىق رەفورمانى تالقىلاپ، ۇسىنىس-پىكىرلەرىن جازىپ الدىق، – دەدى ءوز جۇمىستارى جونىندە بايانداعان رەسپۋبليكالىق شتاب ءتوراعاسى تولەۋبەك مۇقاشيەۆ.
وبلىستىق ءماسليحات حاتشىسى دەنيس رىپاكوۆ دەپۋتاتتاردىڭ كونستيتۋسياعا تۇزەتۋلەردى بۇقاراعا جۇيەلى ءتۇسىندىرىپ جۇرگەنىن جەتكىزدى. ونىڭ ايتۋىنشا، اۋقىمدى، ماڭىزدى وزگەرىستەر جەتە ۇعىندىرۋدى قاجەت ەتەدى.
– مۇنداي تاعدىرشەشتى وزگەرىستەردى بۇكىل ەل بولىپ قابىلداۋ دۇرىس بولدى. ەگەر جوبا ماقۇلدانسا، ءماسليحات دەپۋتاتتارىنىڭ وكىلەتتىگى دە ارتىپ، ءارقايسىمىزعا زور جاۋاپكەرشىلىك جۇكتەلمەك. ءبىزدىڭ دەپۋتاتتار بۇعان ءازىر. ادىلەتتى قازاقستان ءۇشىن ءبارىمىز ءبىر كىسىدەي داۋىس بەرەيىك! – دەدى ول.
رەسپۋبليكالىق كاسىپوداقتار فەدەراسياسى ءتوراعاسىنىڭ ورىنباسارى نۇرلان وتەشيەۆ ەلدەگى 17 مىڭعا جۋىق باستاۋشى ۇيىم رەفورمالاردى تۇسىندىرۋگە قاتىسقانىن العا تارتتى. ولار باق-تار مەن الەۋمەتتىك جەلىلەردە 2 مىڭنان استام ماتەريال جاريالاعان.
– اتا زاڭعا وزگەرىستەر ەنگىزۋ – دەموكراتيالاندىرۋدىڭ العاشقى قادامى. ەكىنشى كەزەكتە 20-دان استام كونستيتۋسيالىق زاڭ تۇزەتىلەدى، بۇعان ءبىر جىلداي ۋاقىت كەتەدى. بىزگە كونستيتۋسيالىق سوتتىڭ قۇرىلۋى ءتيىمدى. اتا زاڭعا قايشى زاڭ نورمالارى بويىنشا بۇرىن ءماجىلىس ارقىلى كونستيتۋسيالىق كەڭەسكە جۇگىنەتىنبىز. ەندى تىكە سوت دارەجەسىنە كوتەرىلگەن ورگانعا شىعامىز. بۇل سالاداعى ماسەلەلەردى جەدەل شەشۋگە سەپتەسەدى، – دەيدى نۇرلان سۇيلەيمەن ۇلى.
رەفەرەندۋمدى قولداۋ جونىنىدەگى وبلىستىق شتاب ءتوراعاسى ولەگ چەرنىشوۆ كونستيتۋسيالىق رەفورمالاردى ءتورت كەزەڭگە ءبولدى. العاشقىسى – پرەزيدەنتتىڭ اتا زاڭعا ەنەتىن تۇزەتۋلەردى رەفەرەندۋمعا شىعارۋ تۋرالى شەشىم قابىلداۋى. ەكىنشىسى – جەر-جەردە رەفەرەندۋمدى قولداۋ شتابتارىنىڭ قۇرىلۋى. ايتالىق، شىعىس قازاقستانداعى شتاب 1600 ءىس-شارا وتكىزىپ، 200 مىڭداي ادامعا ناسيحات جۇرگىزگەن. وبلىستا 600-دەن استام اقپاراتتىق باننەر ىلىنگەن. 370 مىڭ دانامەن Didar، «رۋدنىي التاي» گازەتتەرىنىڭ رەفەرەندۋمعا ارنالعان ارنايى شىعارىلىمى جارىق كوردى. ول ماتەريالدار بارلىق دەرلىك اۋداندىق گازەتتە باسىلدى. ءۇشىنشىcءى – رەفەرەندۋم، سول كۇنى ءتۇسىندىرۋ جۇمىسىنىڭ ناتيجەسىن كورەمىز.
– ءتورتىنشى كەزەڭ – زاڭ شىعارۋ. قابىلداناتىن زاڭدار ساپالى بولۋى شارت. ول ءۇشىن كوپ كومەك تيگىزە الاتىن قازىرگى شتابتاردى ساقتاعان ءجون. تۇرعىندار تالابىن بىلەمىز، زاڭ قابىلداردا ولار تولىق ەسكەرىلۋى ءتيىس، – دەدى ول.
ۇسىنىستى تولەۋبەك مۇقاشيەۆ قولداپ، باستاماعا وزگە وڭىرلەردەگى ارىپتەستەر دە قارسى بولماسىن جەتكىزدى.
وبلىستاعى پروكۋراتۋرا ورگاندارى ارداگەرلەر كەڭەسىنىڭ جەتەكشىسى عازيز نايزابايەۆ اتا زاڭعا وزگەرىستەر ەنگىزۋ زامان تالابى، قوعام سۇرانىسى ەكەنىن اتاپ، ازاماتتار قۇقىعى قاتاڭ قورعالارىنا سەنىم ءبىلدىردى. ويتكەنى، نەگىزگى زاڭعا كونستيتۋسيالىق سوت، ادام قۇقىعى جونىندەگى ۋاكىل ينستيتۋتتارى ەنبەك.
بەسقاراعاي اۋداندىق رەفەرەندۋمدى قولداۋ شتابىنىڭ ءتوراعاسى ەربولات راحمەتۋللين، التاي اۋداندىق ءماسليحاتىنىڭ حاتشىسى لاريسا گرەچۋشنيكوۆا وڭىرلەردەگى رەفەرەندۋمعا دايىندىق بارىسىن باياندادى. ءوزارا پىكىر الماسقان قاتىسۋشىلار تۇرعىنداردى ساياسي ناۋقانعا ءبىر كىسىدەي قاتىسۋعا ۇندەدى.
