Basqosýǵa Qaraǵandy oblysy, Nur-Sultan, Almaty qalalary máslihattarynyń depýtattary, qoǵamdyq shtabtarynyń músheleri de qatysty.
– Bizdiń shtab məslihat depýtattarynyń bastamasymen qurylǵan. Múshelerimiz jer-jerde túrli toptarǵa úgit-nasihat júrgizip keledi. Buǵan deiin eldiń ońtústik, soltústik, batys óńirinde jurtpen osyndai kóshpeli kezdesýler ótkizip, konstitýtsiialyq reformany talqylap, usynys-pikirlerin jazyp aldyq, – dedi óz jumystary jóninde baiandaǵan respýblikalyq shtab tóraǵasy Tóleýbek Muqashev.
Oblystyq máslihat hatshysy Denis Rypakov depýtattardyń Konstitýtsiiaǵa túzetýlerdi buqaraǵa júieli túsindirip júrgenin jetkizdi. Onyń aitýynsha, aýqymdy, mańyzdy ózgerister jete uǵyndyrýdy qajet etedi.
– Mundai taǵdyrsheshti ózgeristerdi búkil el bolyp qabyldaý durys boldy. Eger joba maquldansa, máslihat depýtattarynyń ókilettigi de artyp, árqaisymyzǵa zor jaýapkershilik júktelmek. Bizdiń depýtattar buǵan ázir. Ádiletti Qazaqstan úshin bárimiz bir kisidei daýys bereiik! – dedi ol.
Respýblikalyq kásipodaqtar federatsiiasy tóraǵasynyń orynbasary Nurlan Óteshev eldegi 17 myńǵa jýyq bastaýshy uiym reformalardy túsindirýge qatysqanyn alǵa tartty. Olar BAQ-tar men áleýmettik jelilerde 2 myńnan astam material jariialaǵan.
– Ata Zańǵa ózgerister engizý – demokratiialandyrýdyń alǵashqy qadamy. Ekinshi kezekte 20-dan astam Konstitýtsiialyq zań túzetiledi, buǵan bir jyldai ýaqyt ketedi. Bizge Konstitýtsiialyq sottyń qurylýy tiimdi. Ata Zańǵa qaishy zań normalary boiynsha buryn Májilis arqyly Konstitýtsiialyq keńeske júginetinbiz. Endi tike sot dárejesine kóterilgen organǵa shyǵamyz. Bul saladaǵy máselelerdi jedel sheshýge septesedi, – deidi Nurlan Súileimenuly.
Referendýmdy qoldaý jóninidegi oblystyq shtab tóraǵasy Oleg Chernyshov konstitýtsiialyq reformalardy tórt kezeńge bóldi. Alǵashqysy – Prezidenttiń Ata Zańǵa enetin túzetýlerdi referendýmǵa shyǵarý týraly sheshim qabyldaýy. Ekinshisi – jer-jerde referendýmdy qoldaý shtabtarynyń qurylýy. Aitalyq, Shyǵys Qazaqstandaǵy shtab 1600 is-shara ótkizip, 200 myńdai adamǵa nasihat júrgizgen. Oblysta 600-den astam aqparattyq banner ilingen. 370 myń danamen Didar, «Rýdnyi Altai» gazetteriniń referendýmǵa arnalǵan arnaiy shyǵarylymy jaryq kórdi. Ol materialdar barlyq derlik aýdandyq gazette basyldy. Úshinshici – referendým, sol kúni túsindirý jumysynyń nátijesin kóremiz.
– Tórtinshi kezeń – zań shyǵarý. Qabyldanatyn zańdar sapaly bolýy shart. Ol úshin kóp kómek tigize alatyn qazirgi shtabtardy saqtaǵan jón. Turǵyndar talabyn bilemiz, zań qabyldarda olar tolyq eskerilýi tiis, – dedi ol.
Usynysty Tóleýbek Muqashev qoldap, bastamaǵa ózge óńirlerdegi áriptester de qarsy bolmasyn jetkizdi.
Oblystaǵy prokýratýra organdary ardagerler keńesiniń jetekshisi Ǵaziz Naizabaev Ata Zańǵa ózgerister engizý zaman talaby, qoǵam suranysy ekenin atap, azamattar quqyǵy qatań qorǵalaryna senim bildirdi. Óitkeni, Negizgi zańǵa Konstitýtsiialyq sot, Adam quqyǵy jónindegi ýákil institýttary enbek.
Besqaraǵai aýdandyq referendýmdy qoldaý shtabynyń tóraǵasy Erbolat Rahmetýllin, Altai aýdandyq máslihatynyń hatshysy Larisa Grechýshnikova óńirlerdegi referendýmǵa daiyndyq barysyn baiandady. Ózara pikir almasqan qatysýshylar turǵyndardy saiasi naýqanǵa bir kisidei qatysýǵa úndedi.
