"دەلتا" شتاممى جىلدام جۇعىپ، ادام اعزاسىنا اۋىر اسەر ەتەدى. ءبىر جارىم جىلدان استام ۋاقىت بويى COVID-19-بەن كۇرەسىپ كەلە جاتقان ەلوردالىق دارىگەرلەر اۋرۋحاناداعى جاعدايدى كورسەتتى.
كادرلاردىڭ بىرىندە ارەڭ دەم الىپ جاتقان ەر ادامنىڭ كەۋدەسى كورسەتىلگەن. پاسيەنتتىڭ وزدىگىنەن دەم الا الماي، ارنايى اپپاراتقا قوسىلعانىن كورۋگە بولادى.
زەينەتكەر ءمادينا سىزدىقوۆا جۇبايىمەن بىرگە بوساڭسىپ، ءقاۋىپتى ۆيرۋستى ۇمىتىپ كەتكەنىن مويىندادى.
"جۇبايىم ەكەۋمىز قاۋىپسىزدىك شارالارىن ساقتاپ جۇرگەندە ءبارى جاقسى بولاتىن. قۇرمەتتى ازاماتتار! مەن سىزدەردى كوروناۆيرۋسپەن اۋىرعان ادام رەتىندە بۇل اۋرۋعا ءجۇردىم-باردىم قاراۋعا بولمايتىنىن ەسكەرتەمىن. ۆيرۋستىق ينفەكسيا وتە ءقاۋىپتى. قورقاتىنداي-اق ءقاۋىپتى! ەندى جۇبايىم ەكەۋىمىز ەم الىپ، وسى اۋرۋحانادا جاتىرمىز"، - دەدى 68 جاستاعى مادينا س.
ينفەكسيالىق ستاسيونارعا قايتا بەيىندەلگەن كوپبەيىندى قالالىق بالالار اۋرۋحاناسىنىڭ ينفەكسيونيست دارىگەرى اينۇر وماروۆا قالا تۇرعىندارىنا ۇندەۋ جولداپ، ينفەكسيانىڭ قاۋىپتىلىگىن ەسكە سالدى.
"جاعدايدىڭ اۋىر ەكەنىن الدىڭعى شەپتە جۇرگەن بىزدەن سۇراڭىزدار!. اۋىر ناۋقاستار كوپ، رەانيماسيالىق توسەكتىڭ بىرەۋى دە بوس ەمەس. ىندەت جۇقتىرعان بالالار كوپ. ءوزىڭىزدىڭ دە، وزگەلەردىڭ دەنساۋلىعىن قورعاۋدىڭ جولى — سانيتارلىق نورمالاردى ساقتاۋ جانە ۆاكسيناسيا. ۆاكسيناسيا عانا اۋرۋدىڭ اۋىر كۇيىنەن جانە يۆل اپپاراتىنان قورعايدى. ۆاكسيناسيا ءسىزدى دە، اينالاڭىزداعى جانداردى دا ساقتايدى"، — دەيدى دارىگەر.
https://youtu.be/JZ41eFDPkCY
https://youtu.be/hfibwKc1H_U
https://youtu.be/t_sqK4XF5qM
