"Reanimatsiiada oryn joq". Elorda dárigerleri kovid statsionaryndaǵy shynaiy jaǵdaidy kórsetti
"Delta" shtammy jyldam juǵyp, adam aǵzasyna aýyr áser etedi. Bir jarym jyldan astam ýaqyt boiy COVID-19-ben kúresip kele jatqan elordalyq dárigerler aýrýhanadaǵy jaǵdaidy kórsetti.
Kadrlardyń birinde áreń dem alyp jatqan er adamnyń keýdesi kórsetilgen. Patsienttiń ózdiginen dem ala almai, arnaiy apparatqa qosylǵanyn kórýge bolady.
Zeinetker Mádina Syzdyqova jubaiymen birge bosańsyp, qaýipti virýsty umytyp ketkenin moiyndady.
"Jubaiym ekeýmiz qaýipsizdik sharalaryn saqtap júrgende bári jaqsy bolatyn. Qurmetti azamattar! Men sizderdi koronavirýspen aýyrǵan adam retinde bul aýrýǵa júrdim-bardym qaraýǵa bolmaitynyn eskertemin. Virýstyq infektsiia óte qaýipti. Qorqatyndai-aq qaýipti! Endi jubaiym ekeýimiz em alyp, osy aýrýhanada jatyrmyz", - dedi 68 jastaǵy Madina S.
Infektsiialyq statsionarǵa qaita beiindelgen Kópbeiindi qalalyq balalar aýrýhanasynyń infektsionist dárigeri Ainur Omarova qala turǵyndaryna úndeý joldap, infektsiianyń qaýiptiligin eske saldy.
"Jaǵdaidyń aýyr ekenin aldyńǵy shepte júrgen bizden surańyzdar!. Aýyr naýqastar kóp, reanimatsiialyq tósektiń bireýi de bos emes. Indet juqtyrǵan balalar kóp. Ózińizdiń de, ózgelerdiń densaýlyǵyn qorǵaýdyń joly — sanitarlyq normalardy saqtaý jáne vaktsinatsiia. Vaktsinatsiia ǵana aýrýdyń aýyr kúiinen jáne IVL apparatynan qorǵaidy. Vaktsinatsiia sizdi de, ainalańyzdaǵy jandardy da saqtaidy", — deidi dáriger.
https://youtu.be/JZ41eFDPkCY
https://youtu.be/hfibwKc1H_U
https://youtu.be/t_sqK4XF5qM
