نازاربايەۆتىڭ سۇيىكتى نەمەرەسى ءنۇرالى الييەۆ جاڭا قازاقستانعا ۇستاتپاي ءجۇر دەپ جازادى. وتكەن جىلعى توپالاڭدا جىلى جاققا تايىپ تۇرعان ءنۇرالى سودان بەرى توبە كورسەتپەگەن.

Dala Inside تەلەگرام ارناسىنىڭ حابارلاۋىنشا الييەۆكە ىزدەۋ سالىنار كۇن جاقىن.

"ونىڭ ەلگە ورالعىسى كەلمەيتىن لوگيكاسىن تۇسىنۋگە بولادى. نازاربايەۆ كلانىنىڭ جىلىك مايى جۇقارىپ، ۇزىلۋگە شاق تۇر. اۋلەت وكىلدەرىنىڭ الدى تەرگەلىپ، ءىستى بولۋدا.

ولاردىڭ ىشىپ-جەگەنىن جەلكەسىنەن شىعارۋ پروسەسى ىلدەبايلاپ بولسا دا، ىلگەرى جۇرۋدە. ايتسە دە، حالىققا “قوس قايراتتى قان قۇستىردىق...” دەگەن ارگۋمەنت ازدىق ەتۋدە. “توقايەۆتىڭ ءالياعا ءتىسى باتپاي ما؟” دەگەن ساۋال اكتۋالدى بولىپ تۇر"، - دەيدى Dala Inside.

ارنانىڭ اقپاراتىنا سەنسەك، "قازاقستاننىڭ جارتى بايلىعىن جامباسىنا باسىپ جاتقان تيمۋر قۇلىبايەۆتىڭ قازىرگى ءحالى مۇشكىل. نازاربايەۆتىڭ كۇيەۋبالاسى الماتىدان ۇزاپ شىعا المايدى، وعان ەلدەن شىعۋعا تىيىم سالىنعان. قۇلىبايەۆ قازاقستاندا قامالىپ قالعانىنا قايعىرىپ، ويسوقتى بوپ ءجۇر".

“جاڭا قازاقستان وسى ارقىلى اسقار ۇلىنىڭ ەڭ باستى اكتيۆى “حالىق بانكىندەگى” 70 پايىز ۇلەسىنىڭ 30 پايىزىن ساتۋعا ماجبۇرلەۋدە”، - دەيدى ارنامىزدىڭ دەرەككوزى. ايتا كەتەلىك، قۇلىبايەۆ قارجى ينستيتۋتىن “المەكس” حولدينگى ارقىلى باسقارادى.

مۇنىڭ ءبارىن كورىپ، ءبىلىپ وتىرعان ءنۇرالىنىڭ جاقىن ۋاقىتتا ەلگە ورالۋى نەعايبىل. نازاربايەۆتىڭ سۇيىكتى نەمەرەسى ءوزى يەلىك ەتەتىن “ترانستەلەكوم” بايلانىس وپەراتورىنىڭ وسىمەن ءۇشىنشى الدە ءتورتىنشى وتىرىسىنا قاتىسقان جوق"، - دەيدى Dala Inside.

ارنانىڭ جازعانىنداي، قاڭتارعا دەيىنگى ءنۇرالى اتاسى مەن اناسىنىڭ قالقاسىنان شىعىپ، اۋلەتتىڭ ساياسي دوميناسياسىن ۇزارتۋ ميسسياسىن ءوز موينىنا الۋعا ءتاس-تۇيىن دايىن وتىرعان.

ماقالانىڭ تولىق نۇسقاسى وسى جەردە:  https://t.me/dalainside/1514

https://dalanews.kz/sadak/93761-rosatom-qazaqstandagy-tagy-bir-kenish