Qulybaev Qazaqstannan shyǵa almai otyr
Dala Inside telegram arnasynyń habarlaýynsha Álievke izdeý salynar kún jaqyn.
"Onyń elge oralǵysy kelmeitin logikasyn túsinýge bolady. Nazarbaev klanynyń jilik maiy juqaryp, úzilýge shaq tur. Áýlet ókilderiniń aldy tergelip, isti bolýda.
Olardyń iship-jegenin jelkesinen shyǵarý protsesi ildebailap bolsa da, ilgeri júrýde. Áitse de, halyqqa “qos Qairatty qan qustyrdyq...” degen argýment azdyq etýde. “Toqaevtyń Áliiaǵa tisi batpai ma?” degen saýal aktýaldy bolyp tur", - deidi Dala Inside.
Arnanyń aqparatyna sensek, "Qazaqstannyń jarty bailyǵyn jambasyna basyp jatqan Timýr Qulybaevtyń qazirgi háli múshkil. Nazarbaevtyń kúieýbalasy Almatydan uzap shyǵa almaidy, oǵan elden shyǵýǵa tyiym salynǵan. Qulybaev Qazaqstanda qamalyp qalǵanyna qaiǵyryp, oisoqty bop júr".
“Jańa Qazaqstan osy arqyly Asqarulynyń eń basty aktivi “Halyq bankindegi” 70 paiyz úlesiniń 30 paiyzyn satýǵa májbúrleýde”, - deidi arnamyzdyń derekkózi. Aita ketelik, Qulybaev qarjy institýtyn “Almeks” holdingi arqyly basqarady.
Munyń bárin kórip, bilip otyrǵan Nuráliniń jaqyn ýaqytta elge oralýy neǵaibyl. Nazarbaevtyń súiikti nemeresi ózi ielik etetin “Transtelekom” bailanys operatorynyń osymen úshinshi álde tórtinshi otyrysyna qatysqan joq", - deidi Dala Inside.
Arnanyń jazǵanyndai, Qańtarǵa deiingi Nuráli atasy men anasynyń qalqasynan shyǵyp, áýlettiń saiasi dominatsiiasyn uzartý missiiasyn óz moinyna alýǵa tas-túiin daiyn otyrǵan.
Maqalanyń tolyq nusqasy osy jerde: https://t.me/dalainside/1514
https://dalanews.kz/sadak/93761-rosatom-qazaqstandagy-tagy-bir-kenish
