اتالعان فاكتىنى التاي قالاسىنىڭ پوليسيا قىزمەتكەرلەرى انىقتادى. قازاقستان ازاماتى – 43 جاستاعى ەر ادام ءبىر جىلدان استام ۋاقىت بۇرىن رەسەي ازاماتتىعىن العان. الايدا ول بۇل تۋرالى زاڭدا بەلگىلەنگەن مەرزىم ىشىندە حابارلاماعان.
قۇقىق بۇزۋشىعا قاتىستى ءتيىستى باپ بويىنشا اكىمشىلىك حاتتاما تولتىرىلدى. ماتەريال كەيىنىرەك اۋداندىق سوتتا قارالىپ، ونىڭ قاۋلىسىمەن شەتەلدىكتى ەلدەن شىعارۋ تۋرالى شەشىم قابىلدانعان،دەپ حابارلايدى Dalanews.kz ءتىلشىسى Polisia.kz سايتىنا سىلتەمە جاساپ.

تاجىريبە كورسەتكەندەي، قۇقىق بۇزۋشىلاردىڭ قوس ازاماتتىق الۋىنىڭ بىرنەشە ءتيىمدى سەبەپتەرى بار، اتاپ ايتقاندا: مەملەكەتتىك شەكارانى كەدەرگىسىز كەسىپ ءوتۋ، ماتەريالدىق ارتىقشىلىقتار الۋ، زەينەتاقى ەسەبى، مۇراعا يە بولۋ، بالا تۋىلعان كەزدەگى جاردەماقى، جوعارى وقۋ ورىندارىنا ءتۇسۋ كەزىندە جەڭىلدىككە يە بولۋ.

جىل باسىنان بەرى شقو كوشى-قون قىزمەتى قوس ازاماتتىعى بار 15 ازاماتتى انىقتاعان، ولاردىڭ 5ء-ۋى قازاقستان اۋماعىنان شىعارىلدى.
باسقا ەلدىڭ ازاماتتىعىن قابىلداعان كەزدە ق ر ازاماتى 30 كۇن ىشىندە ىشكى ىستەر ورگاندارىنا نەمەسە شەت مەملەكەتتىڭ اۋماعىنداعى قازاقستاننىڭ ديپلوماتيالىق وكىلدىگىنە مالىمدەۋى كەرەك، سونداي-اق ق ر پاسپورتى مەن جەكە كۋالىگىن تاپسىرۋى قاجەت