الماتى پوليسيا دەپارتامەنتى مالىمەتىنشە، جولداعى جاعدايدى تۇراقتاندىرۋ جانە قۇقىقبۇزۋشىلىقتىڭ الدىن الۋ ماقساتىندا ساپتىق بولىمشەلەر رەيد جۇرگىزىپ جاتىر، دەپ حابارلايدى Dalanews.kz.
ءۇش تاۋلىك ىشىندە قالادا جول قوزعالىسى ەرەجەسىن بۇزۋدىڭ 5 مىڭنان اسا دەرەگى انىقتالعان.
"ماس كۇيدە كولىك باسقارعان 43 جۇرگىزۋشى ۇستالىپ، ولار كولىك جۇرگىزۋ قۇقىعىنان ايىرىلدى. سونىمەن قاتار، 369 ادام كولىكتى ءتيىستى قۇجاتتارسىز تىزگىندەگەنى بەلگىلى بولدى. 94 كولىك ارنايى ايىپ تۇراعىنا قويىلدى"، - دەدى پوليسيا.
پوليسيا قىزمەتكەرلەرى تۇنگى جارىستاردى انىقتاپ، ولاردىڭ جولىن كەسكەن. بۇدان بولەك، جىلدامدىقتى شامادان تىس ارتتىرۋدىڭ 2 مىڭنان اسا دەرەگى تىركەلگەن.
ۆەدومستۆو اقپاراتىنا سۇيەنسەك، كەيبىر جۇرگىزۋشىلەر ءوز ارەكەتىن ادەيى ۆيدەوعا ءتۇسىرىپ، الەۋمەتتىك جەلىلەردە جاريالايدى. پوليسيا مۇنداي ادامدار انىقتالىپ، زاڭ اياسىندا جاۋاپكەرشىلىككە تارتىلاتىنىن مالىمدەدى.
ەسكە سالايىق، قايعىلى وقيعا 21 ناۋرىزدا الماتىداعى ءال-فارابي داڭعىلىندا بولدى.
