قازاقستاننىڭ ەۋرووداق ەلدەرىنە قاتتى بيداي ەكسپورتىنداعى ۇلەسى 10،2%-دان 13،8%-عا دەيىن ارتتى، دەپ حابارلايدى Dalanews.kz.
قازاقستان ەۋرووداققا قاتتى بيداي جەتكىزەتىن ءىرى ەلدەر اراسىندا ءۇشىنشى ورىندا تۇر. وتكەن ماركەتينگتىك جىلدىڭ ناۋرىز ايىنىڭ سوڭىندا قازاقستاننان جەتكىزىلگەن ءونىم كولەمى 146 472 توننا بولسا، بيىل بۇل كورسەتكىش 171 953 تونناعا جەتكەن.
62،0% - كانادا - 771 400 توننا
15،0% - اقش - 186 195 توننا
13،8% - قازاقستان - 171 953 توننا
5،1% - تۇركيا - 63 908 توننا
1،2% - مولدوۆا - 14 733 توننا
بيىل قازاقستاننىڭ ەكسپورتتىق الەۋەتى 13 ملن توننا استىقتى قۇرايدى. ەلدە رەكوردتىق استىق ءونىمى جينالىپ، 27،1 ملن تونناعا جەتتى، ونىڭ ىشىندە 20 ملن توننادان استامى - بيداي.
2024–2025 ماركەتينگتىك جىلىندا قازاقستان 13،4 ملن توننا استىق ەكسپورتتادى. بۇل وتكەن جىلدىڭ سايكەس كەزەڭىمەن سالىستىرعاندا (9،1 ملن توننا) 47%-عا ارتىق جانە سوڭعى 20 جىلداعى ەڭ جوعارى كورسەتكىش سانالادى.
