Qazaqstannyń Eýroodaq elderine qatty bidai eksportyndaǵy úlesi 10,2%-dan 13,8%-ǵa deiin artty, dep habarlaidy Dalanews.kz.
Qazaqstan Eýroodaqqa qatty bidai jetkizetin iri elder arasynda úshinshi orynda tur. Ótken marketingtik jyldyń naýryz aiynyń sońynda Qazaqstannan jetkizilgen ónim kólemi 146 472 tonna bolsa, biyl bul kórsetkish 171 953 tonnaǵa jetken.
62,0% - Kanada - 771 400 tonna
15,0% - AQSh - 186 195 tonna
13,8% - Qazaqstan - 171 953 tonna
5,1% - Túrkiia - 63 908 tonna
1,2% - Moldova - 14 733 tonna
Biyl Qazaqstannyń eksporttyq áleýeti 13 mln tonna astyqty quraidy. Elde rekordtyq astyq ónimi jinalyp, 27,1 mln tonnaǵa jetti, onyń ishinde 20 mln tonnadan astamy - bidai.
2024–2025 marketingtik jylynda Qazaqstan 13,4 mln tonna astyq eksporttady. Bul ótken jyldyń sáikes kezeńimen salystyrǵanda (9,1 mln tonna) 47%-ǵa artyq jáne sońǵy 20 jyldaǵy eń joǵary kórsetkish sanalady.
