ەلەۋمەتتٸك جەلٸدە رەزونانس تۋدىرىپ جٷرگەن تاناگٶز تولقىنقىزى تاعى بٸر ٶتكٸر جازباسىن جارييالاپ, قوعامداعى قۇندىلىقتار, ەدٸلەتسٸزدٸك جەنە ۇلتتىق سانا مەسەلەسٸن كٶتەردٸ, دەپ حابارلايدى Dala News.
اۆتور جازباسىن «بٸز نەگە باقىتسىز ۇلتپىز?» دەگەن سۇراقپەن باستاپ, ەلدەگٸ مورالدىق داعدارىسقا نازار اۋدارادى.
«ٶكٸنٸشكە قاراي, بٸزدە ساتىلمايتىن ادام جوق. بەرٸنٸڭ موينىندا باعاسى جازىلعان بيركا تۇر. بٸرەۋٸنٸڭ قۇنى – الىپ جٷرگەن جالاقىسى, بٸرەۋٸنٸڭ قۇنى – بەس كٷندٸك كرەسلوسى, بٸرەۋٸنٸڭ قۇنى – كەسٸبٸ, بٸرەۋٸنٸڭ قۇنى – تەندەر», – دەپ جازادى ول.
ونىڭ پٸكٸرٸنشە, قوعامدا ار-ۇيات پەن ٶزٸن-ٶزٸ قۇرمەتتەۋ ەلسٸرەگەن, ال ٶزگەرٸس جاساۋعا دەگەن دايىندىق جوق.
«ٶزگەرٸس سەن ٶلۋگە دايىن بولعاندا كەلەدٸ. بٸراق ەشكٸم ٶلگٸسٸ كەلمەيدٸ. ياعني ٶزگەرٸس ەشقاشان كەلمەيدٸ دەگەن سٶز», – دەيدٸ اۆتور.
سونداي-اق ول تاريحي تۇلعالاردى مىسالعا كەلتٸرٸپ, ٶتكەن ۇرپاقتىڭ كٷرەسٸ مەن قازٸرگٸ قوعامنىڭ ايىرماشىلىعىن كٶرسەتەدٸ. اتاپ ايتقاندا, ەليحان بٶكەيحان, احمەت بايتۇرسىنۇلى سىندى قايراتكەرلەردٸڭ قۇرباندىعى ەسكە الىنادى.
اۆتور ماحاتما گانديدٸڭ ٶمٸر جولىنا توقتالىپ, ونىڭ زورلىقسىز قارسىلىق فيلوسوفيياسىن ەرەكشە اتاپ ٶتەدٸ. گانديدٸڭ «ساتياگراحا» قاعيداتى – اقيقات پەن ەدٸلەت ٷشٸن بەيبٸت كٷرەس جٷرگٸزۋ – بٷگٸنگٸ قوعامعا ٷلگٸ رەتٸندە ۇسىنىلادى.
«ول ەلەمدٸ كٷشپەن ەمەس, ار-وجدان ارقىلى جەڭدٸ», – دەپ جازادى اۆتور.
تاناگٶز تولقىنقىزى قازٸرگٸ قوعامدا دا سونداي تاباندىلىق پەن پرينتسيپتٸڭ جەتٸسپەيتٸنٸن ايتادى. ەسٸرەسە, قازاق تٸلٸنٸڭ مەسەلەسٸنە ەرەكشە توقتالادى.
«ال سەنٸڭ ۇلى جورىعىڭ – قازاق تٸلٸندە سٶيلەۋ. ماحابباتپەن سٶيلەۋ. تاباندى تٷردە سٶيلەۋ. پرينتسيپتٸ تٷردە سٶيلەۋ. سول تٸلدە سٶيلەۋگە يمەنبەي, نامىستانباي سٶيلەۋ», – دەيدٸ ول.
اۆتوردىڭ پٸكٸرٸنشە, ەر ادام ٶزگەرٸستٸ ٶزٸنەن باستاۋى كەرەك, ەيتپەسە قوعامداعى جاعداي ٶزگەرمەيدٸ.
جەلٸ قولدانۋشىلارى بۇل جازباعا بەلسەندٸ پٸكٸر بٸلدٸرٸپ, بٸرٸ قولداۋ كٶرسەتسە, ەندٸ بٸرٸ اۆتوردىڭ ويىمەن كەلٸسپەيتٸنٸن جەتكٸزگەن. دەگەنمەن جازبا قوعامداعى ٶزەكتٸ مەسەلەلەردٸ تاعى بٸر مەرتە كٷن تەرتٸبٸنە شىعاردى.
