الماتىداعى ەل-فارابي داڭعىلىنداعى قايعىلى جول اپاتىنان كەيٸن قوعامدا پوليتسييا جۇمىسىنا قاتىستى سىن كٷشەيگەنٸمەن, ٸشكٸ ٸستەر مينيسترلٸگٸ بۇل ايىپتاۋلارمەن كەلٸسپەيدٸ, دەپ حابارلايدى Dala News.
ٸٸم ٶكٸلٸ مارات كٶجاەۆتىڭ ايتۋىنشا, پوليتسييانى ەرەكەتسٸز دەپ باعالاۋ دۇرىس ەمەس.
«پوليتسييا جۇمىس ٸستەمەيدٸ دەپ ايتۋعا بولمايدى. ستاتيستيكاعا سٷيەنسەك, جٷرگٸزۋشٸلەردٸڭ 94%-دان استامى جول ەرەجەسٸن ساقتايدى. تەك 6%-ى عانا جٷيەلٸ تٷردە بۇزادى — قاتتى ايدايدى, جارىسادى», — دەدٸ ول.
ونىڭ سٶزٸنشە, دەل وسى قاۋٸپتٸ توپقا قاتىستى جاۋاپكەرشٸلٸكتٸ كٷشەيتۋ قاجەت. بۇل ۇسىنىستار الداعى زاڭنامالىق تالقىلاۋلارعا ەنگٸزٸلۋٸ مٷمكٸن.
سونىمەن قاتار, ەلەۋمەتتٸك جەلٸلەردە تاراعان اقپاراتقا ساقتىقپەن قاراۋعا شاقىردى.
«الماتىداعى وقيعا بويىنشا جەلٸدەگٸ اقپاراتقا سەنە بەرۋگە بولمايدى. تەكسەرۋ جٷرٸپ جاتىر. ٸٸم بارلىق جاعدايدى تەكسەرٸپ, زاڭ اياسىندا شارا قابىلدايدى», — دەدٸ كٶجاەۆ.
ول سونداي-اق پوليتسييانىڭ مٷمكٸندٸگٸ شەكتەۋلٸ ەكەنٸن جاسىرمادى.
«بارلىق جەرگە بٸردەي پوليتسييا قويىپ, بەرٸن باقىلاۋ مٷمكٸن ەمەس. بٸراق بۇل — كٶز جۇمۋ دەگەن سٶز ەمەس», — دەپ اتاپ ٶتتٸ ول.
ايتا كەتەيٸك, بۇعان دەيٸن قوعام بەلسەندٸلەرٸ مەن بلوگەرلەر ەل-فارابي داڭعىلىندا زاڭسىز جارىستار جٷيەلٸ تٷردە ٶتەتٸنٸن ايتىپ, پوليتسييانى ەرەكەتسٸزدٸككە ايىپتاعان بولاتىن. تٸپتٸ كەيبٸرٸ اپاتقا قاتىسى بار ادامدار اراسىندا قۇقىق قورعاۋ ورگاندارىنىڭ ٶكٸلدەرٸ بولۋى مٷمكٸن دەگەن كٷمەن دا بٸلدٸرگەن.
بۇل مەلٸمدەمەلەر قوعامدا ٷلكەن رەزونانس تۋدىرىپ, جول قاۋٸپسٸزدٸگٸ مەسەلەسٸن قايتادان كٷن تەرتٸبٸنە شىعاردى.
كٶجاەۆتىڭ ايتۋىنشا, مەسەلەنٸڭ بٸر ۇشى قوعامنىڭ ٶزٸندە دە جاتىر.
«بٸردەڭە بولعاندا عانا شۋلايمىز. بٸراق قۇقىق بۇزۋشىلىق بۇرىننان بار. ٶزٸمٸزگە دە قاراۋ كەرەك», — دەدٸ ول.
سونىمەن قاتار, پرەزيدەنت جارييالاعان «زاڭ مەن تەرتٸپ» قاعيداتى بۇل باعىتتاعى نەگٸزگٸ باعدار بولىپ قالا بەرمەك.
