Almatydaǵy ál-Farabi dańǵylyndaǵy qaiǵyly jol apatynan keiin qoǵamda politsiia jumysyna qatysty syn kúsheigenimen, Ishki ister ministrligi bul aiyptaýlarmen kelispeidi, dep habarlaidy Dala News.
IIM ókili Marat Kójaevtyń aitýynsha, politsiiany áreketsiz dep baǵalaý durys emes.
«Politsiia jumys istemeidi dep aitýǵa bolmaidy. Statistikaǵa súiensek, júrgizýshilerdiń 94%-dan astamy jol erejesin saqtaidy. Tek 6%-y ǵana júieli túrde buzady — qatty aidaidy, jarysady», — dedi ol.
Onyń sózinshe, dál osy qaýipti topqa qatysty jaýapkershilikti kúsheitý qajet. Bul usynystar aldaǵy zańnamalyq talqylaýlarǵa engizilýi múmkin.
Sonymen qatar, áleýmettik jelilerde taraǵan aqparatqa saqtyqpen qaraýǵa shaqyrdy.
«Almatydaǵy oqiǵa boiynsha jelidegi aqparatqa sene berýge bolmaidy. Tekserý júrip jatyr. IIM barlyq jaǵdaidy tekserip, zań aiasynda shara qabyldaidy», — dedi Kójaev.
Ol sondai-aq politsiianyń múmkindigi shekteýli ekenin jasyrmady.
«Barlyq jerge birdei politsiia qoiyp, bárin baqylaý múmkin emes. Biraq bul — kóz jumý degen sóz emes», — dep atap ótti ol.
Aita keteiik, buǵan deiin qoǵam belsendileri men blogerler ál-Farabi dańǵylynda zańsyz jarystar júieli túrde ótetinin aityp, politsiiany áreketsizdikke aiyptaǵan bolatyn. Tipti keibiri apatqa qatysy bar adamdar arasynda quqyq qorǵaý organdarynyń ókilderi bolýy múmkin degen kúmán da bildirgen.
Bul málimdemeler qoǵamda úlken rezonans týdyryp, jol qaýipsizdigi máselesin qaitadan kún tártibine shyǵardy.
Kójaevtyń aitýynsha, máseleniń bir ushy qoǵamnyń ózinde de jatyr.
«Birdeńe bolǵanda ǵana shýlaimyz. Biraq quqyq buzýshylyq burynnan bar. Ózimizge de qaraý kerek», — dedi ol.
Sonymen qatar, Prezident jariialaǵan «Zań men tártip» qaǵidaty bul baǵyttaǵy negizgi baǵdar bolyp qala bermek.
