بلوگەر الەكساندر سوكولوۆسكيي تاكسي قۇنى نەگە تەلەفوننىڭ قۋاتى 10% بولعاندا ٶسەتٸنٸن جەنە iPhone ٷلگٸسٸ جەتكٸزۋ باعاسىن 20%-عا دەيٸن ٶسٸرەتٸنٸن تٷسٸندٸردٸ, دەپ حابارلايدى Dalanews.kz finratings.kz-كە سٸلتەپ.
باسىلىم مەلٸمەتٸنشە, تاكسي مەن تاعام جەتكٸزۋ سەرۆيستەرٸ ەر كليەنتتٸڭ جەكە "شەگٸن" انىقتايتىن الگوريتمدەردٸ قولدانادى. باعا تەك سۇرانىسقا ەمەس, پايدالانۋشى سمارتفونىنىڭ كٷيٸ مەن تسيفرلىق پروفيلٸنە دە بايلانىستى.
باعانىڭ ٶسۋٸنە ەسەر ەتەتٸن نەگٸزگٸ فاكتورلاردىڭ بٸرٸ - قۇرىلعىنىڭ قۋاتى. قۋاتى 10%-دان تٶمەن بولسا, اگرەگاتورلار تاريفتٸ قىمباتتاتا الادى. سەبەبٸ مۇنداي جاعدايدا ادام ۋاقىت جوعالتپاي, قىزمەتتٸ بٸردەن الۋعا بەيٸم بولادى.
ەكٸنشٸ فاكتور - سمارتفون ٷلگٸسٸ. ٸسكەرلٸك اۋدانداردا سوڭعى ٷلگٸدەگٸ iPhone يەلەرٸ Android قولدانۋشىلارىنا قاراعاندا 15-20% جوعارى باعا كٶرۋٸ مٷمكٸن.
الەكساندر سوكولوۆسكييدٸڭ ايتۋىنشا, جٷيە ادام تٶلەۋگە دايىن سومانى ەسەپتەپ, سوعان ساي باعا ۇسىنادى.
ونىڭ ايتۋىنشا, الگوريتمدەر تۇراقتى كليەنتتەرگە دە جەكە تەسٸل قولدانادى. بٸر مەيرامحانادان جيٸ تاپسىرىس بەرسە, جەڭٸلدٸكتەر بٸرتٸندەپ الىنىپ, جەتكٸزۋ قىمباتتايدى.
ساراپشىنىڭ سٶزٸنشە, بٸرىڭعاي باعا ۇعىمى جويىلىپ بارادى. الگوريتم پايدالانۋشىنىڭ ەدەتٸن, تاڭداۋلارىن تالداپ, سوعان ساي باعانى ٶزگەرتٸپ وتىرادى.
