قىزىلوردا وبلىسىندا ىشىمدىكتەن باس تارتقان اۋىل كوبەيگەن، دەپ حابارلايدى Dalanews.kz.

ءوڭىردىڭ 18 اۋىلى الكوگول ونىمدەرىن ساتۋدان باس تارتقان. 

بۇدان بولەك، 107 كاسىپكەرمەن مەموراندۋمعا قول قويىلدى (مەيرامحانالار مەن دۇكەندەردە الكوگول ساتۋ ۋاقىتى شەكتەلدى)، ناتيجەسىمەن سوڭعى 3 جىلدا 35 ەلدى مەكەندە بىردە-بىر قىلمىس تىركەلمەگەن.

ەسكە سالايىق، بۇعان دەيىن قازاقستاندا ىشىمدىك ساتۋعا قاتىستى ءبىرقاتار ۇسىنىس جاسالعان بولاتىن. 

ىشكى ىستەر مينيسترلىگى ەلدە ىشىمدىك ساتۋ ءتارتىبىن قاتاڭداتۋدى ۇسىندى. بۇل تۋرالى ۇكىمەت ساعاتىندا مينيستر ەرجان سادەنوۆ ايتتى.

ءمينيستردىڭ سوزىنشە، ىشىمدىك - ەلدەگى قىلمىستاردىڭ نەگىزگى سەبەپتەرىنىڭ ءبىرى. جىل سايىن ماس كۇيىندە شامامەن 10 مىڭعا جۋىق قىلمىس جاسالادى.

مينيسترلىك مىناداي شارالاردى قاراستىرىپ وتىر:

• ينتەرنەت ارقىلى ىشىمدىك ساتۋعا تولىق تىيىم سالۋ؛

• ىشىمدىكتى تەك ارنايى دۇكەندەردە ساتۋ؛

• ليسەنزيا بەرۋ تالاپتارىن كۇشەيتۋ جانە ولاردىڭ سانىن شەكتەۋ.