Қазақстанда ішімдік сатуға қатысты бірқатар ұсыныс жасалды, деп хабарлайды Dalanews.kz.
Ішкі істер министрлігі елде ішімдік сату тәртібін қатаңдатуды ұсынды. Бұл туралы Үкімет сағатында министр Ержан Сәденов айтты.
Министрдің сөзінше, ішімдік - елдегі қылмыстардың негізгі себептерінің бірі. Жыл сайын мас күйінде шамамен 10 мыңға жуық қылмыс жасалады.
Министрлік мынадай шараларды қарастырып отыр:
-
Интернет арқылы ішімдік сатуға толық тыйым салу;
-
Ішімдікті тек арнайы дүкендерде сату;
-
Лицензия беру талаптарын күшейту және олардың санын шектеу.
Ержан Сәденов ойын-сауық орындарындағы ішімдік саудасына да шектеу енгізу қажет екенін айтты:
"Мұндай орындарда мас күйде 1 400-ден аса қылмыс, соның ішінде үш кісі өлтіру дерегі тіркелген".
